شقو تج دەپارتامەنتىنىڭ قۇتقارۋ قىزمەتى 28 شىلدە كۇنى وڭىردە قاتتى داۋىل سوعۋى مۇمكىن ەكەندىگىن ەسكەرتتى, دەپ حابارلايدى «قازاقپارات» حاا ءتىلشىسى.
«ەرتەڭ 28 شىلدە كۇنى كەي جەرلەردە جاڭبىر جاۋىپ, نايزاعاي ويناپ, بۇرشاق جاۋى مۇمكىن. جەلدىڭ كۇشەيۋى سەكۋندىنا 22 مەترگە دەيىن جەتەدى. قايعىلى وقيعالار ورىن الماسى ءۇشىن مۇمكىندىكتەرىڭىزشە قاتتى داۋىل كەزىندە ۇيلەرىڭىزدەن شىقپاۋدى نەمەسە قاۋىپسىز جەرلەردە بولۋدى ءوتىنىپ سۇرايمىز», - دەلىنگەن شقو قۇتقارۋ قىزمەتىنىڭ ەسكەرتۋ حابارلاماسىندا. ايتا كەتەيىك, 17 شىلدەدە شىعىس قازاقستان وبلىسىندا سوققان جەلدىڭ جىلدامدىعى سەكۋندىنا 30-35 مەترگە دەيىن جەتكەن بولاتىن.