قاراعاندىدا 1-ءشى تامىزدان باستاپ «مەكتەپكە جول» قايىرىمدىلىق اكتسياسى باستالادى. تامىزدىڭ 1-نەن باستاپ «مەكتەپكە جول» رەسپۋبليكالىق اكتسياسى باستالىپ, 30-شى قىركۇيەككە دەيىن جالعاسادى. اكتسيانىڭ ماقساتى – از قامتىلعان وتباسىلاردان شىققان, جەتىم جانە اتا-انا قامقورىنسىز قالعان بالالاردى وقۋ جىلىنا دايىنداۋ بولىپ تابىلادى, دەپ حابارلايدى Baq.kz اقپارات اگەنتتىگى.
كومەككە مۇقتاج جانە ونداي جاندارعا قول ۇشىن بەرگىسى كەلەتىندەر ءۇشىن قاراعاندى وبلىستىق ءبىلىم باسقارماسى «جەدەل جەلى» تەلەفون بايلانىسىن ۇيىمداستىرعان.
اكتسيا شەڭبەرىندە سونىمەن قاتار قايىرىمدىلىق شارالارى, مەكتەپ جارمەڭكەلەرى وتكىزىلىپ, از قامتىلعان وتباسىنداعى بالالار ءۇشىن قاجەتتى مەكتەپ جابدىقتارى مەن كيىم-كەشەكتەر قابىلداۋ بەكەتتەرى اشىلادى.