15 فيلمنەن تۋراتىن كينوفەستيۆال باعدارلاماسىندا قازاقستان, رەسەي, قىتاي, اقش, فرانتسيا, گەرمانيا, شۆەتسيا, بەلگيا, نورۆەگيا, نيدەرلاندى, چەحيا, سلوۆاكيا, حورۆاتيا, يران, جاڭا زەلانديا جانە وزگە دە ەلدەردىڭ شىعارماشىلىق توپتارى ءوز جۇمىستارىن ۇسىندى.
اتاپ ايتقاندا, نەگىزگى كونكۋرستىق باعدارلاماعا «قازاق ەلى» (قازاقستان), «كەليلەح پەن دەمنەح» (يران), «سۇلۋلىق» (جاڭا زەلانديا, قىتاي), «ۇيدە جالعىز ءوزى» (گونكونگ), «ەلفتەر تاعى» (قىتاي, اقش) فيلمدەرى قاتىستى. ال كونكۋرستان تىس باعدارلمادا «تاڭعاجايىپ پاتارس» وتباسى (فرانتسيا), «بۇلت بالا» (بەلگيا, شۆەتسيا, نورۆەگيا, نيدەرلاندى), «اكەدەن دە ارتىق» (گەرمانيا), «ميستەر قۇرباقا» (نيدەرلاندى), «نەلليدىڭ باسىنان كەشكەندەرى» (گەرمانيا), «وففلاين: كەلەسى دەڭگەيگە دايىنسىڭ با؟» (گەرمانيا), «پەرىشتە 2» (چەحيا), «سىيقىرلى قالام» (رەسەي), «ش ۇلىق جۇتقىشتار» (چەحيا, سلوۆاكيا, حورۆاتيا) تۋىندىلارى باق سىنادى.
ماراپاتتاۋ ءراسىمىنىڭ الدىندا كينوفەستيۆال قوناقتارى مەن قاتىسۋشىلار قىزىل كىلەمنىڭ ۇستىمەن ءجۇرىپ ءوتتى.
بايقاۋدىڭ ءبىر ەرەكشەلىگى – قازىلار القاسى دارىندى مەكتەپ وقۋشىلارىنان قۇرالعان. ولار بەس كۇن بويى فەستيۆالگە قاتىسقان فيلمدەردى باعالاپ, ءۇش نوميناتسيا بويىنشا جەڭىمپازداردى انىقتادى.
وسىلايشا, قازىلار القاسىنىڭ شەشىمىمەن «بەس قۇرلىق» حالىقارالىق بالالار كينوفەستيۆالىندە «ەڭ ۇزدىك بالا ءرولى» نوميناتسياسىن «سۇلۋلىق» (جاڭا زەلانديا, قىتاي) ءفيلمى جەڭىپ الدى.
«ەڭ ۇزدىك ستسەناري» نوميناتسياسى بويىنشا «قازاق ەلى» (قازاقستان) ءفيلمى جەڭىمپاز اتاندى. ال «پەرىشتە 2» (چەحيا) تۋىندىسى كينوفەستيۆالدىڭ «ەڭ ۇزدىك ءفيلمى» دەپ تانىلدى.
ء«بىزدىڭ نەگىزگى ماقساتىمىز وسى بالالاردى تاربيەلەۋ. ولاردىڭ بويىنا وتانعا دەگەن سۇيىسپەنشىلىكتى, ادامگەرشىلىك قاسيەتتەردى, اتا-بابالارىمىزدان مۇرا بولىپ كەلە جاتقان سالت-داستۇرلەرىمىزدى وسى ونەر ارقىلى سىڭىرە الامىز. سوندىقتان بالالارىمىزدىڭ ونەرگە دەگەن تالپىنىستارىن ارتتىرۋعا, تاجىريبە جيناپ, بىلىمدەرىن جەتىلدىرۋگە مۇمكىندىك بەرەتىن وسىنداي فەستيۆالدار ءجيى بولا بەرسىن», – دەدى «ەڭ ۇزدىك بالا ءرولى» نوميناتسياسى بويىنشا جۇلدەنى تابىس ەتكەن قر ەڭبەك سىڭىرگەن ءارتىسى, استانا تسيركىنىڭ ديرەكتورى ەرىك جولجاقسىنوۆ.
ايدار ءورىسباي, «ەگەمەن قازاقستان»