ەسەنبەرلين كوشەسى 2 ءۇي جانە جەڭىس داڭعىلى 55 ءۇي مەكەن-جايىندا ورنالاسقان دۇكەندەردە بولكە نان كۇن سايىن ساعات 8.30-دان باستاپ بەرىلەدى. دۇكەن كاسسالارىنىڭ جانىنا نانعا تولى ارنايى سورە قويىلعان. ماڭدايشاسىندا مۇقتاج جاندارعا تەگىن بەرىلەتىنى جازىلعان.
- بۇل ەشقانداي دا ماركەتينگتىك نەمەسە جارنامالىق سيپاتتاعى شارا ەمەس. بۇل سەرىكتەسىمىز بەن مەنىڭ كومپانيامنىڭ باستامامىز. مۇقتاج جاندارعا بەرگەن كومەگىمىز. ءبىر دۇكەندە اكتسيانى سەرىكتەسىم, ال ەكىنشى دۇكەندەگى اكتسيانى مەنىڭ كومپانيام قارجىلاندىرادى. كۇن سايىن تاڭەرتەڭگىلىك مۇقتاج جاندارعا ناندى تەگىن بەرەمىز. شىن مانىندە ول ناندى كومەككە مۇقتاج جاندار الىپ وتىر, - دەدى كاسىپكەر الماس كيم.
كاسىپكەردىڭ ايتۋىنشا, بۇل باستامانىڭ قولعا الىنعانىنا ءبىر جىلدان استى. ناندى كەز كەلگەن ادام قالاعانشا الا الادى.
- ەگەر باسقا دا كاسىپكەرلەر وسىنداي باستاما كوتەرىپ, مۇقتاج جاندارعا كومەك بەرەمىن دەسە, ءبىز قولداۋ كورسەتەمىز. ناقتى ايتقاندا دۇكەندەرىمىزدە اتالمىش سيپاتتاعى اكتسيالاردى ۇيىمداستىرۋعا دايىنبىز-, - دەدى كاسىپكەر.