اشەيىندە ءۇنسىز عانا ۇشقان-ۇشپاعانى بەلگىسىز كورىنەتىن قارلىعاشتىڭ كومەك سۇراعانداي بولعان جالىنىشتى ۇندەرى ەستىلەدى. باسقا قۇستاردان ءبىر ەرەكشەلىگى – جەمىن ۇشىپ ءجۇرىپ ۇستايدى, سۋدى دا ۇشىپ ءجۇرىپ ىشەدى. قاناتى ۇزىن, جىڭىشكە, قۇيرىعى ەكى ايىر ەكەندىگىن بىلەمىز. اقشىل, ارقاسى قوڭىر, جاسىل جىلتىر بولىپ كەلەدى. اركتيكا مەن انتاركتيكادان باستاپ, قازاقستاندا 4 تۋىسقا جاتاتىن 5 ءتۇرى كەزدەسەدى. قارلىعاشتاردىڭ ءبارى جىل قۇستارى. ءبىزدىڭ بىلەتىنىمىز, بۇل قۇستار جىلىنا ءبىر رەت قىستا تۇلەيدى. ەكىنشى جىلى ۇرپاق بەرەدى. ەكى-ەكىدەن, كەيدە توپتانىپ شىڭعا, تىك جارتاسقا, قۇرىلىسقا كەيدە اعاشقا جاپسىرا توپىراق پەن سازدى سىلەكەيىمەن ارالاستىرىپ ۇيا سالادى, بالاپاندارىنا ىڭعايلى بولۋى ءۇشىن ىشىنە مايدا ءشوپ پەن قاۋىرسىن جانە مامىق توسەيدى.
506-بولمەنىڭ ەسىگى اشىق تۇر. كەزەكشى قىز كابينەتتى تازالاپ جاتىر ەكەن. تەرەزەنىڭ جەلدەتكىشىنىڭ ۇستىنە ۇيا سالعان بەيقام قۇستار ەكەن عوي. «ەگەمەن قازاقستاننىڭ» تىلشىلەر قوسىنىنىڭ شاڭىراعىنا ۇيا سالعان قارلىعاشتار ەرتەمەن بەزەكتەپ قىزىل شاقا بالاپاندارىن قورعاپ ءجۇر. الداعى جازدا اماندىق بولسا قۇستار ءۇش قارلىعاشقا كوبەيەدى. بۇل جاقسىلىقتىڭ نىشانى شىعار. ءبىز سوعان جورىدىق.
ساپارباي پارمانقۇل, «ەگەمەن قازاقستان»
الماتى