1414 بىرىڭعاي بايلانىس ورتالىعى 680 مەملەكەتتىك قىزمەت ءتۇرى بويىنشا انىقتامالىق قىزمەت جاسايدى. سونىمەن قاتار, وپەراتورلار مىندەتتى مەديتسينالىق ساقتاندىرۋ بويىنشا اقپارات بەرە الادى. بۇگىنگى كۇندە ورتالىقتا 127 وپەراتور قىزمەت جاسايدى. ونىڭ ىشىندە مۇمكىندىگى شەكتەۋلى جاندار دا بار. ولاردىڭ جۇمىس ىستەۋىنە بارلىق جاعداي جاسالعان. جۇمىس كۇندەرى بايلانىس ورتالىعىنىڭ وپەراتورى 15 مىڭ قوڭىراۋ قابىلدايدى. بىرىڭعاي بايلانىس ورتالىعى باستاپقىدا قاراپايىم بايلانىس ورتالىعى بولعان. ال قازىرگى ۋاقىتتا ازاماتتارمەن قارىم-قاتىناس ورناتۋدىڭ قوسىمشا ارنالارى بار. ەندى مەملەكەتتىك قىزمەتتەرگە قاتىستى سۇراقتار بويىنشا ازاماتتار 1414.kz سايتى, ەلەكتروندىق پوشتا جانە ۆيرتۋالدى ونلاين-كومەكشىلەر ارقىلى حابارلاسا الادى.
ەلىمىزدىڭ كەز كەلگەن جەرىنەن جانە كەز كەلگەن تەلەفوننان تاۋلىك بويى جۇمىس ىستەيتىن 1414 نومىرىنە حابارلاسۋ ارقىلى مەملەكەتتىك قىزمەتتەر بويىنشا كونسۋلتاتسيا الۋعا بولادى. حابارلاسۋ تەگىن.
«ەگەمەن-اقپارات»