بريفينگتە وبلىستىق ءىىد باستىعىنىڭ ورىنباسارى قايرات ورازالين مەن جەرگىلىكتى پوليتسيا قىزمەتىنىڭ باستىعى قانات ايتباەۆ التى ايدا قىلمىستاردىڭ 28 پايىزعا تومەندەگەنىن, جاعداي تۇراقتى باقىلاۋدا تۇرعانىن جەتكىزدى. وسى ارالىقتا بەس مىڭنان اسا زاڭ بۇزۋشىلىق وقيعاسى تىركەلگەن.
قىلمىستاردىڭ ىشىندە ۇرلىق-قارلىق 60 پايىزدى قۇرايدى. قىلمىستاردى اشۋ 3 پايىزعا جاقسارعان. بىلتىر 775 پاتەر توناۋ ۇرلىعى بولسا, بيىل بۇل كورسەتكىش 592-گە تومەندەدى. 478 بەينەباقىلاۋ كامەراسى جۇمىس ىستەيدى. جىل اياعىنا دەيىن تاعى 169 كامەرا ورناتىلادى. ولاردىڭ كومەگىمەن 8 مىڭعا جۋىق اكىمشىلىك زاڭ بۇزۋشىلىق اشكەرەلەنگەن. بىلتىر 32403 تۇلعاعا 257 ميلليون تەڭگە ايىپپۇل سالىنىپ, 179 ميلليون تەڭگەسى وندىرىلگەن.
دەسەك تە, جول ەرجەلەرىن بۇزۋ فاكتىلەرى ءالى ازايماي تۇر. اسىرەسە, ىشىمدىك ءىشىپ الىپ, كولىك رولىنە وتىرۋشىلار قاتارى كوپ. ماسەلەن, 70 مىڭ ادامعا حاتتاما تولتىرىلسا, سونىڭ جارتىسىنا جۋىعى ماس كۇيىندە رۋلگە وتىرعان, ۇيالى تەلەفونمەن سويلەسكەن بولماسا جىلدامدىقتى شەكتەن تىس ارتتىرعان.
ءومىر ەسقالي, «ەگەمەن قازاقستان» سولتۇستىك قازاقستان وبلىسى