ارسەني دۇيسەنوۆ جاڭا لاۋازىمدا اقپاراتتىق-يميدجدىك جۇمىس ماسەلەلەرى, ءدىن جانە ازاماتتىق قوعام سالاسىنداعى مەملەكەتتىك ساياساتتى ءتۇسىندىرۋ بويىنشا شارالار, سونىمەن قاتار قوعاممەن بايلانىستى قولداۋدى قاداعالايدى. ول وسى تاعايىنداۋعا دەيىن "قازاقستان" رترك» شىعىس قازاقستان جانە اقمولا وبلىستارىنداعى فيليالدارىنىڭ ديرەكتورى, "قازاقستان" رترك" ايماقتىق تاراتۋدى دامىتۋ ديرەكتسياسىنىڭ ديرەكتورى قىزمەتىن اتقارعان.
ءار جىلدارى قىزىلوردا وبلىسى اكىمىنىڭ, قر ەڭبەك جانە حالىقتى الەۋمەتتىك قورعاۋ ءمينيسترىنىڭ ءباسپاسوز-حاتشىسى لاۋازىمىندا بولدى. ارسەني دۇيسەنوۆ قازاقستان باس رەداكتورلار كلۋبىنىڭ ۆيتسە-پرەزيدەنتى جانە حالىقارالىق تەلەۆيدەنيە جانە راديو اكادەمياسىنىڭ اكادەميگى. سونداي-اق, قر ءدىن ىستەرى جانە ازاماتتىق قوعام ءمينيسترىنىڭ كەڭەسشىسى لاۋازىمىنا باقىتجان قۇلەكەەۆ تاعايىندالدى. ول بۇل لاۋازىمدا ءدىني سۇراقتار جانە ءدىني ۇيىمدارمەن بايلانىس ماسەلەلەرىن قاداعالايدى. باقىتجان قۇلەكەەۆ وسىعان دەيىن قر ءدىن ىستەرى جانە ازاماتتىق قوعام مينيسترلىگى ءدىن ىستەرى كوميتەتى توراعاسىنىڭ ورىنباسارى لاۋازىمدى قىزمەتىن اتقارعان.