اتىراۋدا قالا ماڭىنداعى ەلدىمەندەردىڭ كوشەلەرىن اسفالتتاۋ جۇمىستارى جالعاسۋدا

اتىراۋ قالاسى مەن مۇنايشى, جۇلدىز, كوكتەم ىقشاماۋداندارىندا, قۇرمانعازى, اقساي, اقجار, بىرلىك, ۆودنيكوۆ, شيرينا, تاسقالا-2, بەسىكتى پوسەلكەلەرىندە 70 كوشەگە اسفالت توسەلدى. ەندىگى كەزەكتە جالپى ۇزىندىعى 200 كم بولاتىن 311 كوشەدە قۇرىلىس جۇمىستارى جالعاسادى. ناقتىراق ايتساق, اتىراۋ قالاسىندا - 26, اتىراۋ سەلولىق وكرۋگىندە - 10, اقساي سەلولىق وكرۋگىندە - 6, بالىقشى سەلولىق وكرۋگىندە - 55, گەولوگ سەلولىق وكرۋگىندە - 30, دامبى سەلولىق وكرۋگىندە - 15, جۇمىسكەر سەلولىق وكرۋگىندە - 24, ەركىنقالا سەلولىق وكرۋگىندە - 17, كەڭوزەك سەلولىق وكرۋگىندە - 10, قايىرشاقتى سەلولىق وكرۋگىندە - 118 كوشەگە اسفالت سالىنادى. 

اتالعان كوشەلەردەگى جۇمىستار قازىر العاشقى ساتىسىندا, وعان 80 تەحنيكا مەن 160 جۇمىسشى تارتىلعان. قۇرىلىسقا كۇن سايىن 54 توننا ينەرتتى ماتەريالدار پايدالانىلادى.

جىل باسىنان بەرى اتىراۋ قالاسىندا 21 200 م اۆتوكولىك جولىنداعى شۇڭقىرلار  جوندەلدى.

ناۋرىز ايىندا وبلىس əكىمى نۇرلان نوعاەۆ بيىل جەرگىلىكتى اتقارۋشى ورگاندار جول قۇرىلىسىنا ەرەكشە نازار اۋداراتىنىن, ءوزى مەن ورىنباسارلارى بيۋدجەت قاراجاتىنىڭ ماقساتتى جۇمسالۋىن جəنە جۇمىستاردىڭ ۋاقىتىندا ورىندالۋىن قاداعالايتىنىن ايتقان ەدى.