رايىمبەك داڭعىلى بويىمەن ءسۇيىنباي داڭعىلىنان پۋشكين كوشەسىندەگى قيىلىسقان جول اۋماعىندا كولىكتىڭ كوپ ءجۇرۋى ءارى جولاۋشىلاردى ەكى قاتار بويىمەن وتىرعىزۋ مەن شىعارۋ سالدارىنان كولىك كەپتەلىسى ورىن الىپ, جول كولىك وقيعالارىنىڭ بولۋىنا اكەلىپ سوعۋدا, سوندىقتان ورىن العان كەلەڭسىزدىكتەردى جويۋ ءۇشىن قوعامدىق كولىك پەن جەكە اۆتوكولىك جۇرگىزۋشىلەرىنە ارنالعان كولىك قوزعالىسىنىڭ جاڭا سىزباسى ەنگىزىلەتىن بولادى.
الماتى قالاسى جولاۋشىلار كولىگى جانە اۆتوموبيل جولدارى باسقارماسىنىڭ حابارلاۋى بويىنشا, كولىك قوزعالىسى رايىمبەك داڭعىلى بويىنشا شىعىس باعىتتاعى باعدارشامنان جولايرىعىنىڭ توننەلدى بولىگىنە اۋىستىرىلادى.
رايىمبەك داڭعىلىنىڭ وڭتۇستىك باعىتىنداعى پۋشكين كوشەسىنەن ەسەنوۆ كوشەسىنىڭ قيىلىسىنا دەيىنگى اۋماقتا «قوعامدىق كولىكتەن» باسقا تۋرا جۇرەتىن بارلىق كولىكتەردىڭ قوزعالىسى جابىلادى. بۇلاردان وزگە, سىزبانىڭ وزگەرۋىنە وراي ءارى سول جاق اينالىمعا تىيىم سالىنۋدىڭ ارقاسىندا ءسۇيىنباي داڭعىلىنان رايىمبەك داڭعىلىن, رايىمبەكتەن ءسۇيىنباي داڭعىلىن كورسەتەتىن باعدارشامنىڭ جۇمىسى دا جەڭىلدەيدى.