21-24 شىلدە ارالىعىندا ساعات 18.00-دەن بايتەرەك مونۋمەنتىنىڭ الاڭىندا جانە «ستۋدەنتتىك» ساياباعىندا «پارۋس» ساحناسىندا شقو شىعارماشىلىق ۇجامدارىنىڭ قاتىسۋىمەن كونتسەرت وتەدى. وعان قوسا «اتا-بابالار مۇراسى» ارحەولوگيالىق ارتەفاكتىلەر كورمەسى جانە «تۋعان جەرىمە» اتتى فوتوكورمە ۇيىمداستىرىلادى.
21 شىلدەدە ساعات 18.30-دا م. گوركي اتىنداعى مەملەكەتتىك اكادەميالىق ورىس دراما تەاترندا اباي اتىنداعى تەاتردىڭ قويىلىمىمەن ە. پورتەردىڭ «پوللياننا» سپەكتاكلى كورسەتىلەدى.
23 شىلدەدە شارالار ساعات 15.00-دەن باستاپ وتكىزىلەدى. «قازانات» يپپودرومىندا استانالىقتاردىڭ نازارىنا شقو قولونەرشىلەرىنىڭ كورمەسىمەن «ەتنواۋىل» ۇلتتىق-مادەني كەشەنى جانە وڭىرلىك شەبەرلەردىڭ قاتىسۋىمەن تەاترلاندىرىلعان كونتسەرت ۇسىنىلادى.
شقو وبلىسىنىڭ مادەني كۇندەرى اياسىندا قازاقستاندىق ەسترادا جۇلدىزدارىنىڭ قاتىسۋىمەن «نۇرلى شىعىستان – نۇرلى الەمگە نۇر شاشۋ» اتتى كونتسەرت وتەدى. شارا امفيتەاتردا ەكسپو-2017 كورمەسىنىڭ اۋماعىندا 25 شىلدە كۇنى ساعات 21.00-دە وتكىزىلەدى.