اتاپ ايتساق, اقتاۋدا سوڭعى ءۇش جىلدا تۇرعىن ءۇي, مەكتەپ پەن كوشەلەرگە جارىق جانە جىلۋ بەرۋدە «جاسىل تەحنولوگيانى» پايدالانۋ كەڭ قولدانىلىپ كەلەدى.
ناتيجەسىندە تەك ءبىر جىلدا جىلۋعا جۇمسالار شىعىن 30%-عا ازايىپ, ەلەكتر قۋاتى 70%-عا ۇنەمدەلدى. سولاردىڭ ءبىرى - №3 ورتا مەكتەپ. وقۋ ورنىندا ەنەرگيا رەسۋرستارىن اۆتوماتتى باقىلاۋ جانە رەتتەۋ جۇيەسى جۇمىس ىستەيدى جانە ەلىمىزدە العاش رەت قولعا الىنعان كەشەندى جوبانى عالامتور ارقىلى قاشىقتان باسقارۋعا بولادى. بۇل, ءبىلىم ورداسى سۋ, گاز, ەلەكتر قۋاتىن قاجەتىنە قاراي تۇتىنىپ, ارتىق شىعىن شىعارمايدى دەگەن ءسوز. ماماندار 5 ملن تەڭگە جۇمسالعان جوبانىڭ ءوز قۇنىن 5 جىلدا اقتايتىنىن ايتادى.
«قازاقستان ۇكىمەتى مەن بۇۇ اراسىنداعى «جاسىل كوپىر» ارىپتەستىك باعدارلاماسى اياسىندا بۇل سالاعا جەكە ينۆەستيتسيالار تارتۋ قولعا الىندى. كاسىپكەرلەر ءوزى تۇراتىن ەلدى مەكەندەگى جارىق جانە جىلۋ بەرۋ جۇيەلەرىنە يننوۆاتسيالىق تەحنولوگيالار مەن قوندىرعىلاردى ەنگىزۋگە قاتىسا الادى. ولاردى ساتىپ الىپ, ورناتۋعا جۇمسالعان شىعىندى مەملەكەت ۇنەمدەلگەن قاراجات ەسەبىنەن وتەيدى, دەيدى بۇۇ دامۋ باعدارلاماسىنىڭ جوبالار مەنەدجەرى ا. بەلىي.
گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى