«پاۆلودار» اەا قىزمەتىنىڭ باسىمدىقتى ءتۇرى حيميا جانە مۇناي-حيميا سالالارىنداعى وڭدەۋ ونەركاسىبى بولىپ تابىلادى.
اەا-دا ىسكە اسىرىلعان جوبالاردىڭ ءبىرى «ۋپنك-پۆ» جشس بولىپ تابىلادى, ول «قازاقستان ەلەكتروليز زاۋىتى» اق قاجەتتىلىكتەرى ءۇشىن مۇناي كوكسىن قىزدىرۋمەن اينالىسادى. «ۋپنك-پۆ» جشس ديرەكتورى ن. اۋباكىروۆ كاسىپورىندا ونىمدىلىك پەن ءونىم ساپاسىن ارتتىرۋعا مۇمكىندىك بەرەتىن زاماناۋي جابدىقتار جانە يننوۆاتسيالىق تەحنولوگيالار قولدانىلاتىنىن باياندادى. وتاندىق نارىقپەن قاتار ءونىمدى رەسەي فەدەراتسياسىنا جانە قىتايعا ەكسپورتقا جىبەرۋ مۇمكىندىگى پىسىقتالۋدا.
بۇدان وزگە, «پاۆلودار» اەا اۋماعىندا «Gissenhaus» جشس-ءنىڭ قوسىندىلانعان اليۋميني ءوندىرۋ بويىنشا جاڭا جوباسى ىسكە اسىرىلدى. زاۋىت ديرەكتورى ە. شفەتس جوبا قۋاتى جىلىنا 36 مىڭ توننا ءاليۋمينيدى قۇرايتىنىن باياندادى. شيكىزات كوزى «قازاقستان ەلەكتروليز زاۋىتى» اق-نىڭ سۇيىق تۇرىندەگى باستاپقى, سونداي-اق قۇيما تۇرىندەگى اليۋميني بولىپ تابىلادى.
كاسىپورىن ءونىمى ىشكى نارىقتا وتكىزىلەدى جانە اليۋمينيدەن جاسالعان جوعارى تەحنولوگيالىق بۇيىمدارعا سۇرانىستى قامتيدى, سونداي-اق ەكسپورت نارىقتارى پەرسپەكتيۆالى بولىپ تابىلادى.
جوبا اليۋميني وندىرىستەرى كلاستەرىن قۇرۋ شارالارى اياسىندا ىسكە اسىرىلدى جانە قازاقستان مەتاللۋرگياسى تاريحىنداعى ءبىر اۋماقتا ءاليۋمينيدى قايتا بالقىتۋدىڭ بارلىق تۇرلەرىنىڭ ءوندىرىسى شوعىرلانعان العاشقى كاسىپورىن بولماق. بۇل مەتاللۋرگيا ونەركاسىبىن دامىتۋدىڭ جاڭا دەڭگەيىنە شىعارۋعا مۇمكىندىك بەرەدى.