تەڭىز جاعالاۋىندا قر ۇقك «باتىس» شق باسقارماسى ەستافەتا سيمۆولىن ايماقتىق جاعالاۋ كۇزەتى باسقارماسىنا تابىستادى. بۇل سالتاناتتى ساتكە 250 تەڭىزشىنى قوسقاندا بارلىعى 350 جەكە قۇرام, اسكەري كەمەلەر مەن تىكۇشاقتار قاتىستى. تەڭىزدە اسكەري كەمەلەر ساپ قۇرسا, تىكۇشاقتار كوك اسپاندا قالىقتادى, ال جاعالاۋدا شەكاراشىلار تۇرعىندارعا قويان-قولتىق ۇرىس كورىنىستەرىن كورسەتتى.
قر ۇقك ايماقتىق جاعالاۋ كۇزەتى باسقارماسىنىڭ باستىعى پولكوۆنيك ءا.كايۋپوۆتىڭ ايتۋىنشا, جاعالاۋ كۇزەتىنىڭ گارنيزون قۇرامى قازاقستاننىڭ 2480 شاقىرىم شەكاراسىن كۇزەتسە, ونىڭ 1595 شاقىرىمىن تەڭىز جاعالاۋى قۇرايدى.
ء«بىزدىڭ ماقساتىمىز – مەملەكەتتىك شەكارانىڭ بۇزىلۋىنا جول بەرمەۋ جانە ەلىمىزدىڭ ايماقتىق تۇتاستىعىن قامتاماسىز ەتۋ, سونداي-اق ونىڭ بيولوگيالىق رەسۋرستارىن قورعاۋ», – دەيدى پولكوۆنيك.
قر ۇقك شەكارا قىزمەتىنىڭ 25 جىلدىعىنا ارنالعان ەستافەتا 2017 جىلى 18 تامىزدا استانا قالاسىندا ءوز مارەسىنە جەتەدى.
گۇلايىم شىنتەمىرقىزى, «ەگەمەن قازاقستان». فوتو: سەرىك مايەمەروۆ ماڭعىستاۋ وبلىسى