بۇگىن لوندوندا «استانا» حالىقارالىق قارجى ورتالىعى جانىنان قۇرىلعان قۇقىقتىق كونسۋلتاتيۆتىك كەڭەستىڭ كەزەكتى وتىرىسى ءوتتى, دەپ حابارلايدى قارجى ورتالىعىنىڭ ءباسپاسوز قىزمەتى.
جيىنعا احقو باسقارۋشىسى قايرات كەلىمبەتوۆ پەن ۇلىبريتانيانىڭ وسى قۇقىقتىق كونسۋلتاتيۆتىك كەڭەس قۇرامىنا كىرەتىن بەلدى زاڭ كومپانيالارى وكىلدەرى قاتىستى.
جيىندا احقو-نىڭ بىرقاتار اكت جوبالارى قاراستىرىلىپ, قابىلداندى.
سونىمەن قاتار لوندوندا احقو باسقارۋشىسىنىڭ قاتىسۋىمەن اعىلشىن جالپى زاڭى اياسىندا جۇمىس ىستەيتىن احقو قارجىلىق سوتى سۋديالارى قىزمەتىنە كانديداتتاردى قاراستىرۋ پروتسەسى باستالدى.