باقىتجان ساعىنتاەۆ كاسىپورىندى جوبالىق قۋاتتىلىعىنا شىعارۋ بويىنشا جۇمىس كەستەسىمەن تانىستى. «Kaz Minerals PLC» باسقارما توراعاسى و. نوۆاچۋك 2017 جىلى جوبالىق قۋاتتىلىعىنا شىققاننان كەيىن بوزشاكول تبك-دا جىل سايىن كاتودتى ەكۆيۆالەنتتە 100 مىڭ توننا مىس وندىرىلەتىنىن باياندادى.
جوبانى ىسكە اسىرۋ اياسىندا 1500 جۇمىس ورنى قۇرىلدى. جوسپارلانعان جۇمىس ورىندارىنىڭ كولەمى بولعان جاعدايدا ونىمدىلىك قازاقستانداعى جۇمىس ىستەپ تۇرعان مىس وندىرەتىن كاسىپورىندارعا قاراعاندا 15 ەسە جوعارى. وندىرىستە وزىق جابدىقتار مەن تەحنولوگيالار پايدالانىلدى, بۇل سالاداعى حالىقارالىق ستاندارتتارعا سايكەس اۆتوماتتاندىرۋ مەن تسيفرلاندىرۋدىڭ جوعارى دەڭگەيىنە جەتۋگە مۇمكىندىك بەردى.
جوبانى كەڭەيتۋ مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنداعى تەحنولوگيالىق جاڭعىرتۋ, جاڭا تەحنولوگيالار ترانسفەرى جانە باسەكەگە قابىلەتتىلىكتىڭ ءوسۋى ارقىلى ەڭبەك ونىمدىلىگىن ارتتىرۋ بويىنشا مىندەتتەرىنە ساي كەلەدى.