ەگەي تەڭىزىنىڭ تۇركيا مەن گرەكيا جاعالاۋلارىندا كۇشتى جەر سىلكىنىسى بولدى, قازا تاپقاندار بار, دەپ حابارلايدى ريا نوۆوستي.
اقش گەولوگيالىق قىزمەتىنىڭ دەرەكتەرى بويىنشا, جەر سىلكىنىسىنىڭ ماگنيتۋداسى 6,7 باللدى قۇراعان. ءدۇمپۋ وشاعى تۇركيانىڭ بودرۋم قالاسىنان 10,3 شاقىرىم جانە گرەكيانىڭ كوس ارالىنان 16,2 شاقىرىم قاشىقتىقتا, 10 شاقىرىم تەرەڭدىكتە ورنالاسقان.
ەۋروپالىق-جەرورتا تەڭىزىنىڭ سەيسمولوگيالىق ورتالىعى ءزىلزالانىڭ العاشقى تولقىنىنان كەيىن 5,1 بالل تىركەلگەنىن حابارلاعان. سەيسمولوگتار سونداي-اق جەر سىلكىنىسى ەگەي تەڭىزىندە شاعىن تسۋنامي تۋدىرعانىن اتاپ ءوتتى.
الدىن-الا دەرەكتەر بويىنشا, گرەكيانىڭ كوس ارالىندا اپات سالدارىنان ەكى ادام قازا تاپتى, 120-سى زارداپ شەككەن. سونداي-اق بىرنەشە كونە قۇرىلىس نىسانى قيراعان.
تۇركيانىڭ بودرۋم قالاسىندا 70-كە جۋىق ادام ءتۇرلى جاراقات العان.