ءراسىمدى تاتارستان رەسپۋبليكاسىنىڭ ەڭبەك سىڭىرگەن ونەر قايراتكەرى كاميليا يسمايلوۆا باسقاراتىن شىعىس قازاقستان وبلىسىنىڭ تاتار قوعامدىق ورتالىعى ۇيىمداستىردى. وسى باسىلىمداردا سەمەي قالاسى تاتار دياسپوراسىنىڭ دارىگەرلەرى مەن پەداگوگتارى تۋرالى ماتەريالدار جاريالانعان ەكەن. جيناقتار تاتار مۇراعاتىنىڭ ماتەريالدارى, بۇقارالىق اقپارات قۇرالدارىنداعى جاريالانىمداردىڭ, وتباسىلىق مۇراعاتتار جانە ارىپتەستەرىنىڭ ەستەلىكتەرىنىڭ نەگىزىندە قۇراستىرىلىپتى. قوس كىتاپتا 120-دان استام بەلگىلى جانە تالانتتى ادامداردىڭ ءومىربايانى ۇسىنىلدى. بۇلاردىڭ قاتارىندا بەلگىلى مۇعالىمدەر, ۇلى وتان سوعىسىنىڭ ارداگەرلەرى, عالىمدار جانە دارىگەرلەر بار. شارانىڭ رەسمي بولىگىن كىرىسپەسوزبەن تاتار قوعامدىق ورتالىعىنىڭ ءتورايىمى كاميليا يسمايلوۆا اشتى. ول كىتاپتى شىعارۋعا كومەكتەسكەن رەداكتسيالىق كەڭەس مۇشەلەرىنە جانە تاتار ورتالىعىنىڭ بەلسەندىلەرىنە ء وز ريزاشىلىعىن ءبىلدىردى. سونىمەن قوسا, شارا بارىسىندا حالىقارالىق پەداگوگيكالىق ءبىلىم بەرۋ اكادەمياسىنىڭ كوررەسپوندەنت-مۇشەسى, پروفەسسور گۇلفيا بادامباەۆانى تاتارستان رەسپۋبليكاسىنىڭ ءبىلىم بەرۋ مينيسترلىگىنىڭ ء«بىلىم بەرۋ سالاسىنداعى جەتىستىكتەرى ءۇشىن» مەدالىمەن ماراپاتتادى. مەرەكەلىك كەش كونتسەرتتىك باعدارلامامەن جالعاستى.
راۋشان نۇعمانبەكوۆا, جۋرناليست سەمەي