«استانا ەكسپو-2017» ۇلتتىق كومپانياسىنىڭ ءتوراعاسى احمەتجان ەسىموۆ ۇلىبريتانيانىڭ ساۋدا جانە ينۆەستيتسيالار مينيسترى گرەگ حەندسپەن جانە ۇلتتىق سەكتسيا كوميسسارى چارلز حەندريمەن كەزدەستى. تاراپتار باسقوسۋدا ەكى ەلدىڭ قارىم-قاتىناسى, بالامالى ەنەرگەتيكا ماسەلەلەرى مەن بريتان پاۆيلونى جايىندا اڭگىمە ءوربىتتى.
ۇلىبريتانيا – بالامالى ەنەرگەتيكا سالاسىنداعى كوشباسشىلاردىڭ قاتارىندا. سوندىقتان كورمەدە اعىلشىنداردىڭ پاۆيلونىنا قىزىعۋشىلىق جوعارى. بۇگىندە مۇندا 1 جارىم ميلليون كورەرمەن كىرىپ-شىققان. «حالىقارالىق شاراعا بارلىعى 1 ميلليون 300 مىڭ ادام كەلدى. باستاپقىدا 2 ميلليون قوناق باس سۇعادى دەپ جوسپارلاعانبىز. جۇرتتىڭ كورمەگە دەگەن قىزىعۋشىلىعىن ەسكەرە وتىرىپ, بۇل كورسەتكىشكە قول جەتكىزەمىز دەگەن وي بار. قاتىسۋشى ەلدەردىڭ باسىم بولىگى شاراعا جاقسى دايىندالىپتى. پاۆيلونداردا كوپتەگەن بالامالى يننوۆاتسيالىق جوبا كورسەتىلگەن», دەدى باسقوسۋ بارىسىندا احمەتجان ەسىموۆ. ال گرەگ حەندس استاناداعى ەكسپو كورمەسىنىڭ جوعارى دەڭگەيدە ءوتىپ جاتقانىن اڭگىمەلەدى.