باسقوسۋدا مەديتسينا عىلىمدارىنىڭ دوكتورى, پروفەسسور, رەسەي جانە ەۋروپا ەلدەرىنىڭ ەڭبەك سىڭىرگەن ونەرتاپقىشى, اقش, رەسەي جانە قىتاي ەلدەرىندە الپىسقا جۋىق پاتەنتتىڭ اۆتورى اتانعان اشوت حاچاترياننىڭ بايانداماسى تىڭدالدى. ول 1993 جىلى نوۆوسىبىردە سۋتەكتى مەديتسيناعا ارنالعان كلينيكاسىن اشقان. عالىمنىڭ پايىمداۋىنشا, پاتەنتتەلگەن سۋتەكتى تەحنولوگيالاردىڭ كومەگىمەن ءجيى كەزدەسەتىن جانە سوزىلمالى اۋرۋعا شالدىققان ادامداردى قۇلان-تازا ەمدەپ شىعۋعا بولادى. وسى ۋاقىتقا دەيىن پروفەسسوردىڭ كلينيكاسىندا ەڭبەكتەگەن بالادان ەڭكەيگەن كارىگە دەيىن 40 مىڭنان استام ادام ەمدەلىپ شىققان. دارىگەردىڭ ەمدەۋ ءادىسى اپروباتسيادان ءوتىپ, قازىرگى ۋاقىتتا اقش, سينگاپۋر جانە قىتايدا قولدانىلىپ ءجۇر. ال نوۆوسىبىردەگى كلينيكانىڭ قازاقستاندىق فيليالى استانادا ورنالاسقان. «سۋتەكتى مەديتسينا پاركينسون اۋرۋى, اۋتيزم, تەرى وبىرى, ءسۇت بەزى وبىرى, مەلانوما, ەكزەما (قىشىما), بۋىننىڭ قابىنۋى, برونح دەمىكپەسى, جوعارى قان قىسىمى جانە مۇگەدەكتىككە الىپ كەلەتىن وزگە دە اسا قاۋىپتى دەرتتى ەمدەۋگە كومەكتەسەدى. سونداي-اق, سۋتەكتى ەنەرگيانى سۇلۋلىق سالاسىندا دا قولدانۋعا بولادى», دەيدى عالىم. اشوت حاچاتريان ەندى ۇيگە ارنالعان سۋتەكتى گەنەراتورلاردىڭ نارىقتا كەڭەيۋىن كوزدەپ وتىر. كونفەرەنتسيا بارىسىندا جينالعان قاۋىمعا تانىمدىق فيلمدەر كورسەتىلىپ, سۋتەكتى ەنەرگيانىڭ مۇمكىندىكتەرى ءتۇسىندىرىلدى. كونفەرەنتسياعا قاتىسۋشىلاردىڭ نازارىنا ۇسىنىلعان ەڭ قاراپايىم ءادىس – سۋدىڭ ىشىنە سۋتەكتى ءدارىنى سالىپ ىشسەك, ونىڭ ەداۋىر تازا سۋ ەكەندىگىنە كوزىمىز جەتەدى. مۇنىڭ بارلىعى سۋتەگىنىڭ قورشاعان ورتانى لاستامايتىندىعىمەن بايلانىستى.
ەكسپو-2017 كورمەسى ەلىمىز بەن شەت ەلدەردەن كەلگەن ءار سالا ماماندارىنىڭ پىكىر الماساتىن, تاجىريبە بولىسەتىن الاڭىنا اينالدى. قالاشىق اۋماعىنداعى كونگرەسس ورتالىقتا سۋتەكتى ەنەرگياعا قاتىستى حالىقارالىق عىلىمي-تاجىريبەلىك كونفەرەنتسيا ۇيىمداستىرىلدى.