– جارمەڭكەدە ءىرى جۇمىس بەرۋشى حقكو بولدى, ولار 80-گە جۋىق بوس ورىن ۇسىندى, ونىڭ ىشىندە تۇرعىندارمەن جۇمىس جۇرگىزەتىن ماماندار قاجەت. قىزمەت كورسەتۋ سالاسىندا ءىرى قوناق ءۇي 40 جۇمىس ورنىنا, ءارتۇرلى جۇمىس ىستەۋشىدەن باستاپ, وفيس-مەنەدجەرگە دەيىن ىزدەۋدە. ەكىنشى دەڭگەيلى ءىرى بانكتەردىڭ ءبىرى كاسسيرلەر, IT-ماماندار, كەلۋشىلەرمەن جۇمىس جۇرگىزۋشى مامان ورىندارىنا تاڭدادى. ادەتتە وسىنداي جارمەڭكەدەن كەيىن جۇمىسقا كەم دەگەندە 100 ادام ورنالاسادى, - دەيدى جۇمىسپەن قامتۋ ورتالىعى ءباسپاسوز قىزمەتىنىڭ باسشىسى اياجان ايتجانوۆا.
رەسمي مالىمەتتەر بويىنشا, 2017 جىلدىڭ 1 توقسانىندا استانادا جۇمىسسىزدىق دەڭگەيى 4,6% قۇرادى. ەلوردادا جۇمىسسىزدىق دەڭگەيىنىڭ تومەندىگى بويىنشا ءالى دە كوشباسشى ورىندا, بۇل كورسەتكىش رەسپۋبليكا بويىنشا كورسەتكىشتەن 0,3%-عا تومەن.
بۇگىنگى كۇنگە استانا قالاسىنىڭ جۇمىسپەن قامتۋ ورتالىعى بازاسىندا 1125 جۇمىس بەرۋشى تىركەلگەن. ولار 9000 بوس جۇمىس ورنىن ۇسىنۋدا.