ء«بىراز جىلدان بەرى قاربىز ەگۋمەن اينالىسىپ كەلەمىز. تەر توگە بىلسەڭ – جەر انا نەسىبەسىن ايامايدى. ءبىز ءونىمدى ساپالى ءارى ەرتە شىعارۋعا تىرىسامىز. سوندىقتان بولار قاربىزىمىزعا سۇرانىس جاقسى. وزبەكستاندىق رۋستام مامەدوۆ ەسىمدى ازامات جىل سايىن تۇراقتى الۋشىمىز. ول بىزدەن ساتىپ الىپ, ارى قاراي رەسەيگە جول تارتادى. بيىلعى تابىسىمىزعا كاسىبىمىزدى ودان ءارى دامىتۋ جوسپارىمىز بار. الداعى ۋاقىتتا اۋىلدان جىلىجاي اشىپ, قىزاناق, قيار سەكىلدى ونىمدەرمەن تۇرعىنداردى قامتاماسىز ەتسەك دەپ وتىرمىز», - دەيدى نۇرسۇلتان ەسەنبەكوۆ.
جالپى اۋدان بويىنشا ديقانشىلىقپەن شۇعىلدانىپ, تابىس تاۋىپ جۇرگەن جاستار قاتارى از ەمەس. اۋداندىق ىشكى ساياسات ءبولىمىنىڭ باسشىسى باۋىرجان شومپيەۆتىڭ مالىمدەۋىنشە, اۋدان اكىمىنىڭ 2017-2020 جىلدارعا ارنالعان «جاستاردىڭ بوس ۋاقىتىن ءتيىمدى پايدالانۋ» جونىندەگى ءىس-شارا جوسپارى بار. وسى جوسپار بويىنشا جاستارمەن ءتيىستى جۇمىستار جۇرگىزىلىپ كەلەدى. بيىلعى جىلى اۋدان بويىنشا 94 جاس ءوزىن-ءوزى جۇمىسپەن قامتىپ, ديقانشىلىقپەن شۇعىلدانىپ جاتىر. ولار 464 گەكتار القاپقا ءتۇرلى داقىلدار ەككەن. بۇگىنگى تاڭعا دەيىن وسىناۋ بەلسەندى جاستار 800 تونناعا جۋىق باقشا داقىلدارىن جيناپ, ساتىلىمعا شىعاردى. جۇمىستىڭ كوزىن تاپقان اۋدان جاستارى ارى قاراي دا مەملەكەتتەن جەڭىلدەتىلگەن نەسيەلەر الىپ, كاسىپكەرلىكتەرىن دوڭگەلەتپەكشى. جالىندى جاستاردىڭ بۇل ارەكەتتەرىنە اۋدان باسشىلارى ءاردايىم قولداۋ كورسەتىپ وتىرماق.