وڭتۇستىك قازاقستانداعى "ورداباسى" فۋتبول كلۋبى 500 ملن تەڭگەگە ساتىلدى. جاڭا قوجايىن تانىمال كلۋبتى ەلەكتروندى ساۋدا ارقىلى ساتىپ الدى, دەپ حابارلايدى قازاقپارات.
ەكى جىل بۇرىن فۋتبول كلۋبىنىڭ جەكەمەنشىككە وتەتىنى تۋرالى ايتىلعان بولاتىن. بۇرىن “ورداباسى” كلۋبىن جەرگىلىكتى بيۋدجەت قارجىلاندىرعان. ال جاڭا قوجايىننىڭ اتى-ءجونى ازىرگە بەلگىسىز. فۋتبول كلۋبىن يەلەنۋ ءۇشىن ءۇش كانديدات باسەكەگە تۇسكەن.
«ورداباسىنىڭ» ساتىلاتىنى تۋرالى اقپارات مەملەكەتتىك م ۇلىك رەەسترىنىڭ سايتىندا جاريالانعان ەدى. فۋتبول كلۋبى ۇشىن باستاپقى باعا 248 ملن تەڭگە بولىپ بەلگىلەنگەن. كوماندانى العىسى كەلەتىندەر قاتارىندا «بيك «سپورت سەرۆيس», «نامىس» سپورت ورتالىعى» جانە تاعى ءبىر جەكە تۇلعا بولدى.
«تەندەر ءوتتى. “ورداباسى” ساتىلدى. كىم ساتىپ العانى تۋرالى اقپاراتتى جاريالاۋ ءۇشىن باسشىلىقتىڭ كەلىسىمى كەرەك. سەبەبى, ءبىز ازىرگە كەلىسىمشارتقا قول قويعان جوقپىز»,- دەيدى وقو قارجى باسقارماسىنىڭ باس مامانى.