جيىنعا وڭتۇستىك قازاقستان وبلىسى اكىمىنىڭ ورىنباسارى ەربول سادىر, ماقتاارال اۋدانىنىڭ اكىمى ع.يسمايلوۆ, وبلىستىق جەر قاتىناستارى باسقارماسىنىڭ باسشىسى سوزاقباي ابدىقۇلوۆ جانە اۋىل اكىمدەرى, ءبولىم باسشىلارى قاتىستى. شارانىڭ نەگىزگى ماقساتى - جەر ماسەلەسىنە قاتىستى سالادا اتقارىلىپ جاتقان جۇمىستاردى تالداۋ.
وبلىستاعى جەر قاتىناستارى سالاسىنداعى جۇمىستاردى ىسكە اسىرۋعا جانە جەر رەسۋرتارىن ءتيىمدى باسقارۋعا باعىتتالعان جەر رەفورماسىن ءتۇسىندىرۋ بويىنشا وبلىستىق جەر قاتىناستارى باسقارما باسشىسىنىڭ ورىنباسارى ە.تىلەگەن بايانداما جاسادى. ونىڭ ايتۋىنشا, ماقتاارال اۋدانىنىڭ جەر قورى 185,4 مىڭ گەكتاردى قۇرايدى. ال, اۋىل شارۋاشىلىعى ماقساتىنداعى جەرلەر 145,7 مىڭ گەكتارعا جەتسە, ونىڭ ىشىندە ەگىستىك جەر 140,1 مىڭ, (بارلىعى سۋارمالى جەرلەر), تىڭايعان جەر 1,8 مىڭ, جايلىمدىق جەرلەر 3 مىڭ, كوپ جىلدىق ەكپەلەر 0,8 مىڭ گەكتارعا پارا-پار.
«2016 جىلى اۋىل شارۋاشىلىعى ماقساتىنداعى جەرلەرگە جۇرگىزىلگەن تۇگەندەۋ جۇمىستارىنىڭ ناتيجەسىندە جالپى اۋدان بويىنشا 392 اگروقۇرىلىمداردىڭ يەلىگىندەگى 1807 گەكتار جەر نىسانالى ماقساتىنا ساي پايدالانىلماي جاتقاندىعى انىقتالىپ, شارا كورۋ ءۇشىن وبلىستىق جەر ينسپەكتسياسى باسقارماسىنا قۇجاتتار جولدانعان. اۋدان اكىمدىگى تاراپىنان بۇگىنگى كۇنگە پايدالانىلماي جاتقان 103 گەكتار جەر مەملەكەت مەنشىگىنە قايتارىلعان. ال, 1065,6 گەكتار جەرى وبلىستىق جەر ينسپەكتسياسىنىڭ قاراۋىنا بەرىلگەن. ال, قالعان 638,4 گەكتار جەردىڭ ماسەلەسى ناقتىلانباعان», - دەدى ە.تىلەگەن.
بۇدان بولەك, باسقارما باسشىسىنىڭ ورىنباسارى بۇعان دەيىن اۋداندا كاسىپكەرلىك ماقساتتاعى 38 جەر پايدالانۋشىنىڭ 23,7 گەكتارى پايدالانىلماي جاتقانىن اتاپ ءوتتى. قر-نىڭ جەر كودەكسىن بۇزا وتىرىپ پايدالانىپ جاتقان 13 جەر ۋچاسكەسىنە 861 مىڭ تەڭگە ايىپپۇل سالىنىپ, جەر زاڭناماسىن بۇزۋ تۋرالى نۇسقاۋلىق بەرىلگەن. ودان باسقا 2016 جىلى كاسىپكەرلىك ماقساتقا بەرىلىپ, پايدالانباي جاتقان 38 جەر ۋچاسكەسى انىقتالىپ, ولارعا دا شارا كورىلگەن.
جالپى, جيىندا جەر ماماندارى كوپتەگەن سۇراقتارعا جاۋاپتار الىپ, جەر ماسەلەسىنە قاتىستى جۇمىستاردى بۇدان دا جوعارى دەڭگەيدە جانداندىرۋ كەرەكتىگى ايتىلدى. اسىرەسە, مەملەكەتتىڭ التىن قورى سانالاتىن سۋارمالى جەردىڭ 30 پايىزى ماقتاارالدا ەكەندىگى جانە بوس جاتقان سۋارمالى جەرلەردىڭ ماسەلەسىن تەز ارادا شەشۋ كەرەكتىگىنە ەرەكشە نازار اۋدارىلدى. وبلىس اكىمىنىڭ ورىنباسارى ە.سادىر حالقى وتە تىعىز ورنالاسقان ماقتارال اۋدانىندا ءبىر قارىس جەر بوس جاتپاۋ كەرەكتىگىن ەسكەرتتى.