بۇل القاپتا جاۋىن-شاشىن كەزىندە كوشەلەر باتپاققا اينالىپ, وسى ۋاقىتقا دەيىن تۇرعىندار ەداۋىر قيىنشىلىق كورىپ كەلدى. اسىرەسە كۇز جانە كوكتەم مەزگىلدەرىندە جول سالىنباعان كوشەلەردىڭ كەدەرگىسى كوبەيگەن بولاتىن. بالالاردىڭ مەكتەپكە بارۋى, سونداي-اق كۇندەلىكتى تىرشىلىك بارىسىندا ارى-بەرى ءجۇرۋدىڭ ءوزى قيىن ەدى. ەندى بۇگىندە سول ولقىلىقتىڭ ورنى تولىپ, بۇدان كەيىن القاپ تۇرعىندارى جاڭا جولمەن جۇرەتىن بولادى.
بۇل ماقساتقا وبلىستىق بيۋدجەتتەن 227 ميلليون تەڭگە ءبولىنىپ, ونىڭ يگەرىلۋى 2 جىلعا جوسپارلانعان. اتالعان قارجىنىڭ 91 ميلليون تەڭگەسىن وسى جىلى يگەرۋ كوزدەلىپ وتىر. ال قۇرىلىستى جۇرگىزۋشى مەردىگەر كومپانيا «اراي ستروي ماركەت» جاۋاپكەرشىلىگى شەكتەۋلى سەرىكتەستىگى. قالالىق تۇرعىن جاي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمى اۆتوموبيل جولدارى سەكتورىنىڭ مەڭگەرۋشىسى ەرلان ابىلداەۆتىڭ ايتۋىنشا, بۇگىنگى تاڭدا بايدىبەك بابا, دومالاق انا, مايلىقوجا, شوتا رۋستاۆەلي, تايبۋرىل كوشەلەرىنە قيىرشىق تاس توسەلىپ, تەگىستەلىپتى. تاس جولدىڭ ۇزىندىعى 17 شاقىرىم. قۇرىلىس جۇمىسىنا 30 ادام ەڭبەكپەن تارتىلىپ, وعان 15 تەحنيكا تارتىلعان. ال القاپ تۇرعىندارى جول ماسەلەسىنىڭ شەشىلگەنىنە قۋانىشتى. وسى ورايدا تۇرعىندار مەملەكەت قولداۋىنا ريزا ەكەندىكتەرىن جەتكىزىپ وتىر.
حاميت ەسامان,
«ەگەمەن قازاقستان»
جامبىل وبلىسى