قوعامدىق كولىكتەر ءۇشىن ارنايى جولاق (Busline) پەن بىرقاتار كوشەلەردە ءبىر باعىتتى جولدىڭ ەنگىزىلۋى, تۇراقتاردىڭ اقىلى بولۋى جانە بەينەباقىلاۋ كامەرالارى سانىنىڭ ارتۋى قالاداعى كولىك اپاتتارىن قىسقارتۋعا دەمەۋ بولىپ وتىر, دەپ حابارلادى قالانىڭ جەرگىلىكتى پوليتسيا قىزمەتى.
تاتيستكالىق مالىمەتتەرگە قاراعاندا, جالپى اپات بويىنشا جاعداي قاڭتار-شىلدە ارالىعىندا 15,1 پايىزعا كەمىدى. جارتى جىل ىشىندە 50-گە جۋىق جول اپاتتارى وتكەن جىلدىڭ سايكەس مەرزىمىمەن سالىستىرعاندا از بولدى. «وتكەن جىلى 6 اي ىشىندە 337 جول-كولىك وقيعاسى تىركەلگەن بولسا, بيىلعى جىلى بۇل كورسەتكىش 286-نى قۇرادى. سونىمەن قاتار جول-كولىك اپاتتارىنان زارداپ شەككەندەر سانى دا تومەندەپ وتىر. 2016 جىلى قالا جولدارىندا 374 ادام زارداپ شەكسە, بيىل 291 ادام وسىنداي جاعدايعا تاپ بولدى»-دەلىنگەن جەرگىلىكتى پوليتسيا قىزمەتى تاراتقان مالىمەتتەردە.