كوشپەلى مۇراجاي «سارىارقانىڭ كونە جولدارى», «ەسكەرتكىشتەر – تاريحتىڭ ءۇنسىز كۋاگەرلەرى», «ۋاقىت ۇندەستىگى» سىندى تاقىرىپتار ارقىلى كوزى قاراقتى كورەرمەندەردى تاريحتىڭ تەرەڭ قويناۋىنا ساپارلاتپاق. – ءبىزدىڭ مۇراجايدا بۇگىنگى كۇنى 50 مىڭنان استام جادىگەر بار. ولاردىڭ ىشىندە سيرەك كەزدەسەتىن دۇنيەلەر دە تابىلادى. بۇل كورمەگە ءبىز 70 جادىگەر الىپ كەلدىك. ولاردىڭ بارلىعى – تۇپنۇسقا. بيىلعى جىلى وتكەن «تاريحتا ءوز اتىڭدى قالدىر» اتتى اكتسيا شەڭبەرىندە تايجان قالماعامبەتوۆتىڭ ۇرپاقتارى ءبىزدىڭ مۇراجايعا ونىڭ سىرنايىن قالدىرعان ەدى. ونى دا وسىندا الىپ كەلدىك, – دەيدى جەزقازعان تاريحي-ارحەولوگيالىق مۇراجايىنىڭ ديرەكتورى راۋشان قاپپاروۆا. كورمەگە كەلۋشىلەر بىلعارىدان, قازاق حالقىنىڭ اعاش پەن مەتالدان جاسالعان ىدىستارىن, قىمىز ساقتاۋعا ارنالعان قۇمىرا, بيە ءسۇتىن قۇياتىن بىلعارى مەس, كەسەلەرگە ارنالعان قۇتىلار, ەرلەردىڭ بەلدىكتەرى, ايەلدەردىڭ اشەكەيلەرىن كورە الادى.
ميراس اسان, «ەگەمەن قازاقستان»
قاراعاندى وبلىسى, جەزقازعان قالاسى