الەمنىڭ ۇزدىك 50 ۋنيۆەرسيتەتتەرى ىشىندە ءوز ورنىن تاپقان ل.ن.گۋميلەۆ اتىنداعى ەۇۋ الەمدىك رەيتينگ بويىنشا ەكى ساتىعا كوتەرىلدى. 2017 جىلدىڭ 12 شىلدەسىندە قورىتىندىسى بەلگىلى بولعان QS Top 50 Under 50 حالىقارالىق بەدەلدى رەيتينگتىك اگەنتتىگىنىڭ ساراپتاماسى وسىنداي.
حالىقارالىق رەيتينگكە الەمنىڭ 150 ۋنيۆەرسيتەتى قاتىستى: ازيادان – 53, ەۋروپادان – 52, وكەانيادان – 20, لاتىن امەريكاسىنان – 18, سولتۇستىك امەريكادان – 4.
ەلىمىزدەگى جاس ۇلتتىق ۋنيۆەرسيتەتتىڭ رەيتينگتەگى ساتىسى جۇمىس بەرۋشىلەر مەن اكادەميالىق ساراپشىلار اراسىنداعى ابىروي-بەدەلى جانە شەتەلدىك وقىتۋشىلاردىڭ سانى ارقىلى كوتەرىلىپ وتىر.
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى الەمدىك رەيتينگكە 2014 جىلدان بەرى تۇراقتى تۇردە قاتىسىپ كەلەدى. قازىرگى تاڭدا ەۇۋ اتالمىش رەيتينگ بويىنشا 35-ساتىدا تۇر, بۇل قازاقستانداعى بىردەن-ءبىر جوعارى وقۋ ورنى ەكەنىن ەسكەرسەك, زور جەتىستىك بولىپ تابىلادى.