بولاشاق جول ساقشىلارىن دايارلاۋعا ىقپال ەتەتىن بۇل شارا وبلىس ورتالىعىنىڭ ىرگەسىندەگى, تاماشا تابيعات اياسىندا ورىن تەپكەن «دارىن» وڭىرلىك عىلىمي-پراكتيكالىق ورتالىعىندا وتەدى. رەسەي, قىرعىزستان مەن تاجىكستان مەملەكەتتەرى جانە ەلىمىزدىڭ تۇكپىر-تۇكپىرىنەن جينالعان 180 وقۋشى «جول ءجۇرىسى قاعيداسىن ءبىلۋ», «جاس رەتتەۋشى», «ۆەلوسيپەدتى مانەرلەپ جۇرگىزۋ», «ەرۋديتتەر بايقاۋى», «جاس سانيتارلار», «ۆەلوسيپەدتى اۆتوقالاشىقتا جۇرگىزۋ», «ۇگىتبريگادالار بايقاۋى», «ساپتىق جارىس» اتالىمدارى اياسىندا باقتارىن سىناپ, باپتارىن بايقايتىن بولادى.
بۇل سايىس وقۋشىلاردىڭ زاڭ مەن ءتارتىپتى ءبىلىپ قانا قويماي, قورشاعان ورتا, جاقىن-جۋىق, دوس-جاران, اتا-اناسىن قۇرمەتتەۋگە ۇيرەتەدى. جارىستا تەك مىقتىلار جەڭىسكە جەتسىن», – دەدى باسەكەنىڭ اشىلۋ سالتاناتىندا ءسوز سويلەگەن وبلىستىق ىشكى ىستەر دەپارتامەنتى جەرگىلىكتى پوليتسيا قىزمەتى باسشىسىنىڭ ورىنباسارى, پوليتسيا پولكوۆنيگى ەرلان كارمەنوۆ.
رەتى كەلگەندە ايتا كەتەيىك, ءبىزدىڭ ءوڭىردىڭ قۇراماسى جىل سايىن ۇيىمداستىرىلاتىن بايقاۋدا ءتورت مارتە توپ جارىپتى.
ازامات قاسىم, «ەگەمەن قازاقستان»
وسكەمەن