استانادا ءوتىپ جاتقان WSB سەرياسىنىڭ فينالدىق باسەكەسىندە شارشى الاڭعا ەكىنشى بولىپ شىققان ءىلياس سۇلەيمەنوۆ كۋبالىق حاۆەر يبانەستەن باسىم ءتۇستى. ءبىرىنشى راۋاندتى ءبىر-بىرىمەن اڭدىسىپ وتكىزگەن بوكسشىلار, ەكىنشى راۋاندتان باستاپ شيراق قيمىلداي باستادى. ءۇشىنشى راۋندتا كۋبالىق بوكسشى باسىمدىلىققا يە بولعانداي كورىنگەن. الايدا ءىلياس قارسىلاسىنا مۇرشا بەرگەن جوق. ەسەپ 3:0.
جەكپە-جەكتەن كەيىن ءىلياس سۇلەيمەنوۆ جەكپە-جەكتى مىنەزىنىڭ ارقاسىندا جەڭگەنىن ايتادى:
- بۇگىنگى قارسىلاسىمنىڭ الىس قاشىقتان سوققى جۇمساۋى قيىن ەكەنىن ەسكەرىپ, سوعان ساي ءادىس جاسادىم. ول مەنىڭ ايلاما الدانىپ, بىرنەشە سوققى دارىتىپ الدى. قولىمدى ءتۇسىرىپ, ويناتىپ, ونىڭ ابدەن زىقىسىن شىعاردىم. رينگ سىرتىنان جانكۇيەرلەردىڭ قولداۋىن ەستىپ, ودان سايىن قۋات الدىم. ال كۋبالىقتار ايقايلاعان كەزدە قارسىلاسىمدى تومپەشتەپ تاستاعىم كەلدى. قىسقاشا ايتقاندا, بۇگىنگى جەكپە-جەكتە مىنەزدىڭ ارقاسىندا جەڭىسكە جەتتىم.
دۇنيەجۇزىلىك بوكس سەرياسىنىڭ (WSB) جەتىنشى ماۋسىمداعى فينالدىق جەكپە-جەگى ءدال قازىر استاناداعى «قازاقستان» سپورت كەشەنىندە ءوتىپ جاتىر.