«ەلباسى العا قويعان ماقساتتاردى جۇزەگە اسىرۋ ءۇشىن بىرلىگى مەن ىنتىماعى جاراسقان ەل تۇرعىندارىنا مىقتى دەنساۋلىق, قاجىر-قايرات, كۇش-جىگەر, تاباندى ەڭبەك قاجەت. ءبىزدىڭ بولاشاعىمىز – سالاماتتى ءومىر سالتى. وسى تۇرعىدا بۇقارالىق سپورت تۇرلەرىنىڭ الاتىن ورنى ەرەكشە», دەدى ق. اقساقالوۆ. جارىس تۋىن الاڭعا سەرگەي ششەرباكوۆ, الەكساندر مارچۋك, نۇرجان بەكەتوۆ, رۋستام نابيۋللين سەكىلدى ەسىمدەرى ايماققا بەلگىلى سپورشىلار الىپ شىقتى. الاۋدى جاعۋ قۇرمەتى قازاق كۇرەسىنەن ەۋروپا چەمپيونى ماقسات نۇسىپوۆقا بۇيىردى. جارىس ءۇش كۇنگە سوزىلىپ, فۋتبول, ۆولەيبول, باسكەتبول, ۆەلوسپورت, ۇستەل تەننيسى, جەڭىل اتلەتيكا, شاحمات, اۋىر اتلەتيكا, ەركىن كۇرەس, دويبى, گىر سپورتى, پرەزيدەنتتىك كوپسايىس, پنەۆماتيكالىق ۆەنتوۆكادان اتۋ مەن بوكس سياقتى سپورتتىڭ 16 سپورت ءتۇرىن قامتيدى. ءومىر ەسقالي "ەگەمەن قازاقستان" سولتۇستىك قازاقستان وبلىسى