«قۇرىلىستى باستاۋ بۇدان ەرتەرەك جوسپارلانعان بولاتىن, الايدا, جوبا باستاماشىسى تاراپىنان زاۋىتتىڭ ونىمدىلىك قۋاتىن ۇلعايتۋ تۋرالى شەشىم قابىلدانىپ, جوباعا ءتيىستى تۇزەتۋلەر ەنگىزىلۋدە. قارجى كولەمىنىڭ از عانا ۇلعايۋى ناتيجەسىندە (81 ملرد-تان 87 ملرد-قا دەيىن نەمەسە 7,4%) جوبانىڭ جىلدىق ونىمدىلىك قۋاتى 200 مىڭ توننادان 300 مىڭ تونناعا نەمەسە 50%-عا كوبەيۋدە», دەدى وبلىس اكىمى قىرىمبەك كوشەرباەۆ بۇگىن وبلىستىق ءماسليحاتتىڭ ءحىV سەسسياسىندا.
اكىمنىڭ ايتۋىنشا ۇكىمەت اتالعان جوبانى ماقۇلداپ, جاڭا زاۋىتتىڭ ينفراقۇرىلىمىن جۇرگىزۋ ءۇشىن 2018 جىلى رەسپۋبليكالىق بيۋدجەتتەن 3,5 ملرد. تەڭگە بولىنەتىن بولدى.
ايتا كەتۋ كەرەك, بۇل زاماناۋي, ءارى ەلىمىزدىڭ بارلىق قاجەتتىلىگىنىڭ 75%-ىن قامتاماسىز ەتەتىن رەسپۋبليكاداعى بىردەن-ءبىر كالتسيلەندىرىلگەن سودا وندىرەتىن زاۋىت بولماق. بۇگىنگى تاڭدا, كالتسيلەندىرىلگەن سودا نارىعىن 100% يمپورتتىق ونىمدەر قۇرايدى.