«قايىرىمدىلىق كەرۋەنى» رەسپۋبليكالىق اكتسياسى اتىراۋدا جالعاستى. قازاقستان حالقى اسسامبلەياسىنىڭ وبلىستاعى بولىمشەسى ۇيىمداستىرعان «ەكى جۇلدىز» فەستيۆالىندە ەتنومادەني بىرلەستىك مۇشەلەرى مۇمكىندىگى شەكتەۋلى بالالارمەن بىرگە ونەر كورسەتتى. ءان ايتۋعا ىنتاسى بار بالالار كونتسەرتكە الدىن الا دايىندالدى, ولارعا وبلىستاعى ەڭ مىقتى مۋزىكا ماماندارى كومەكتەستى. ساحنا شەبەرلىگىن, ءان ايتۋ مەن بيلەۋدى ۇيرەتىپ قانا قويماي, ادەمى كيىمدەر دە ۇسىندى. جاقسىلىق پەن جىلىلىقتى بولىسۋگە ۇندەۋدى ماقسات ەتكەن شارادان جينالعان قارجى «اتىراۋ – شاعىن ەل» قوعامدىق قورىنا تابىستالدى. – وزدەرى دە كومەككە مۇقتاج بولا تۇرا جاعدايى قيىن جاندارعا قۋانىش سىيلاعان بالالاردىڭ ونەرى ەرەكشە اسەر ەتتى. قازاقستان حالقى اسسامبلەياسىنا وسىنداي يگى شارانى قولعا العاندارى ءۇشىن ريزاشىلىعىمدى بىلدىرەمىن, – دەيدى قوعامدىق قور توراعاسى ەرلان كۇمىسقاليەۆ.
باقىتگۇل باباش, «ەگەمەن قازاقستان»
اتىراۋ