باسقوسۋعا گەرمانيا بۋندەستاگىنىڭ دەپۋتاتى گ.تسەرتيك, ەو ىستەرى جانە حالىقارالىق ىستەر جونىندەگى دەپارتامەنت باسشىسى ي.بەنتمانن, گەرمانيا فەدەراتيۆتىك رەسپۋبليكاسىنىڭ (گفر) قازاقستان رەسپۋبليكاسىنداعى ەلشىلىگىنىڭ 2-ءشى حاتشىسى ك.گرونسفەلد, رەسەي نەمىستەرى جەرلەستىگى ۇيىمىنىڭ فەدەرالدىق توراعاسى ۆ.ايزەنبراۋن قاتىستى. كەزدەسۋ بارىسىندا د.مىڭباي گەرمانيادان كەلگەن قوناقتاردى قحا-نىڭ قۇرىلۋ تاريحىمەن, كونستيتۋتسيالىق مارتەبەسىمەن, قوعامدىق كەلىسىم مەن جالپىۇلتتىق بىرلىكتى نىعايتۋ بويىنشا مىندەتتەرى جانە جۇرگىزەتىن جۇمىستارىمەن, سونداي-اق, پارلامەنت ماجىلىسىندەگى اسسامبلەيا دەپۋتاتتارىنىڭ قىزمەتىمەن, قحا-نىڭ حالىقارالىق ىنتىماقتاستىق باعىتىنداعى جۇمىسىمەن تانىستىردى. قحا توراعاسىنىڭ ورىنباسارى ەلدەر اراسىنداعى قاتىناستاردىڭ اشىق سيپاتىن, پرەزيدەنت ن.نازارباەۆ پەن فەدەرالدىق كانتسلەر ا.مەركەلدىڭ تۇراقتى تۇردە تىكەلەي بايلانىستا بولاتىنىن اتاپ كورسەتىپ, قازاقستان نەمىستەرىنىڭ قوعامدىق بىرلەستىكتەرىنىڭ «ۆوزروجدەنيە» («Wiedergeburt») قاۋىمداستىعىنىڭ قىزمەتى تۋرالى اڭگىمەلەدى. د.مىڭباي ەلباسى باستاماشىلىق جاساعان قوعامدىق سانانى جاڭعىرتۋ باعدارلاماسىن ءتيىمدى ىسكە اسىرۋدىڭ ەل ءۇشىن ماڭىزدىلىعىن ايتتى. ح.كوشيك ەتنوسارالىق قاتىناستاردىڭ ۇيلەسىمىن ورناتۋدا, بىرلىك پەن مادەنيەتارالىق ۇنقاتىسۋدى نىعايتۋدا كوپتەگەن ەلگە ۇلگى بولىپ وتىرعان قازاقستاننىڭ دارا كوشباسشىلىعىن اتاپ كورسەتتى. شەتەلدىك قوناقتار «استانا وپەرا» ارتىستەرىمەن جانە پاۆلودار مۋزىكالىق كوللەدجىنىڭ ستۋدەنتتەرىمەن بىرگە پاۆلودار وبلىسىندا وتكەن نەمىس مادەنيەتى مەن كلاسسيكالىق نەمىس مۋزىكاسىنىڭ فەستيۆالىنە قاتىسقاندارى, ونىڭ بارىسىندا قازاقستان نەمىستەرىنىڭ مادەنيەتىن, ءتىلى مەن داستۇرلەرىن دامىتۋ ءۇشىن بارلىق جاعدايلار جاسالعانىنا ءىس جۇزىندە كوز جەتكىزگەندەرى تۋرالى اڭگىمەلەپ بەردى. كەزدەسۋدى قورىتىندىلاي كەلە, د.مىڭباي ح.كوشيك پەن گ.تسەرتيكتى قازاقستان حالقى اسسامبلەياسىنىڭ كەزەكتى XXVII سەسسياسىنا قاتىسۋعا شاقىردى.
نۇرلىبەك دوسىباي, «ەگەمەن قازاقستان»