ەكسپو-2017 حالىقارالىق كورمەسى اياسىندا استانا قالاسىنداعى ۇلتتىق تەننيس ورتالىعىندا «ATP Challenger» جانە «ITF Women’s سەريالارى» بويىنشا پرەزيدەنت كۋبوگى ءۇشىن ۇلكەن تەننيستەن ءحىح حالىقارالىق تۋرنير وتەدى.
جالپى جۇلدە قورى 225 مىڭ اقش دوللارىن قۇرايتىن بايراقتى باسەكە 17-23 شىلدە ارالىعىندا ۇيىمداستىرىلادى. وعان الەمنىڭ 30 ەلىنەن 200-گە جۋىق تەننيسشى قاتىسپاق. ولاردىڭ قاتارىندا الەمدىك رەيتينگتىڭ توپ-جۇزدىگىنە كىرەتىن سپورتشىلار دا بار. قازاقستان نامىسىن ميحايل كۋكۋشكين, اندرەي گولۋبەۆ, دميتري پوپكو جانە كاميلا كەرىمباەۆا قورعايتىن بولادى.ء دال وسى كۇندەرى «Astana Masters 12& under President’s Cup» بالالار تەننيسى جانە اۋەسقوي تەننيسشىلەر اراسىندا «AstanaOpen» ءتۋرنيرى دە وتەدى. قازىرگى تاڭدا قازاقستان قۇراما كومانداسىنىڭ مۇشەلەرى تۋرنير اياسىندا «كەرۋەن» ساۋدا جانە ويىن-ساۋىق ورتالىعىندا شەبەرلىك-ساباقتارىن وتكىزۋدە.