چەمپيوندار ليگاسىنىڭ ەكىنشى ىرىكتەۋ كەزەڭىندەگى لاتۆيالىق «سپارتاك» كلۋبىمەن ەلوردالىق «استانا» اراسىنداعى العاشقى كەزدەسۋدى قازاقستان اۋماعىندا «حابار» تەلەارناسى تىكەلەي ەفيردە كورسەتەدى.
– «استانا» كومانداسى ەلىمىزدەگى ەڭ مىقتى كلۋبتاردىڭ ءبىرى. سوندىقتان «حابار» ارناسىنا ەلوردالىق كلۋبتىڭ چەمپيوندار ليگاسىنداعى العاشقى كەزدەسۋىن كورسەتۋ ءبىز ءۇشىن ۇلكەن مارتەبە. قازاقستاندىق جانكۇيەرلەر يۋرمالادا وتەتىن «استانانىڭ» سىرت الاڭداعى ويىنىن تىكەلەي ەفيردە كورگەنىن قالايمىز», - دەيدى «حابار» ارناسىنىڭ سپورت ءبولىمىنىڭ پروديۋسسەرى اسحات جاقاەۆ.
ايتا كەتەيىك, «سپارتاك» - «استانا» ماتچى 12 شىلدە كۇنى يۋرمالا قالاسىندا وتەدى. «حابار» ارناسى كەزدەسۋدى استانا ۋاقىتى بويىنشا 22:00-دە كورسەتەدى. ويىندى ەرمۇحامەد ماۋلەن مەن ايبەك قابىلشا جۇرگىزەدى.