ەكى سالماق دارەجەسى بويىنشا بوكستان بۇرىنعى الەم چەمپيونى ساۋل "كانەلو" الۆارەس (49-1-1, 34 كو) قازاقستاندىق گەننادي گولوۆكينمەن (37-0, 33 كو) قىركۇيەكتە وتەتىن جەكپە-جەككە دايىندىعى تۋرالى ايتىپ بەردى. بۇل تۋرالى vesti.kz حابارلادى.
مەكسيكالىق بوكسشى جەكپە-جەكتى نوكاۋتپەن اياقتايتىنىنا سەنىمدىلىك ءبىلدىردى.
«ۇنەمى جاتتىعىپ, ءوزىمدى قالىپتا ۇستايمىن. دايىندىققا اپتاسىنا ءۇش-ءتورت رەت بارامىن. ال الداعى ءبىر-ەكى اپتادان كەيىن ناعىز دايىندىعىمدى باستايمىن. بارلىعى نوكاۋت كورگىسى كەلەدى. مەن دە جەڭىسكە سولاي جەتەم دەگەن ويدامىن. ءبىزدىڭ جەكپە-جەك نوكاۋتپەن اياقتالۋى ابدەن مۇكىن, سەبەبى ءبىز قارسىلاستارىمىزدى ءجيى نوكاۋتقا تۇسىرەمىز», دەيدى «كانەلو».
ايتا كەتەيىك, جەكپە-جەك 16 قىركۇيەكتە لاس-ۆەگاستاعى 20 مىڭ ادام سياتىن T-Mobile ارەناسىندا وتەدى. بۇل بوكس كەشىنە بيلەتتەردىڭ بارلىعى ساتىلىپ كەتتى. ال HBO ارناسى جەكپە-جەكتى اقىلى ترانسلياتسيا جۇيەسى ارقىلى كورسەتەدى.