قازىرگى زامان شارتىندا تالاپتى, باسەكەگە قابىلەتتى, جەتكىلىكتى دەڭگەيدە ءبىلىمى مەن كاسىبي داعدىسى بار ادام عانا جاڭا بەلەستەردى باعىندىرا الادى. سوندىقتان, قازاقستان ادامي كاپيتالدىڭ ساپاسىن ۇنەمى باستى باسىمدىق رەتىندە بەلگىلەيدى.
پرەزيدەنت بولاشاقتىڭ ستراتەگياسىن ساۋاتتى, ءبىلىمدى, جاۋاپكەرشىلىكتى ءوز موينىنا الا بىلەتىن جاستارمەن بايلانىستىرادى. ەلباسى ءوزىنىڭ «بولاشاققا باعدار: رۋحاني جاڭعىرۋ» ماقالاسىندا تابىستى بولۋدىڭ ەڭ ىرگەلى, باستى فاكتورى ءبىلىم ەكەنىن اتاپ كورسەتتى. وسى ورايدا, قازاقستاندا بارلىق جاعداي جاسالعان. ساپالى ءبىلىم الۋ جانە زياتكەر ۇلتتى قالىپتاستىرۋ ءۇشىن جاستارعا بارلىق جولدار اشىق.
پرەزيدەنت قازىرگى زامانداعى جوعارى دەڭگەيدەگى ءبىلىمنىڭ ءرولىن ايقىن بەلگىلەي وتىرىپ, ءبىلىمنىڭ سالتانات قۇرۋىنىڭ ماڭىزدىلىعى تۋرالى ايتتى. ءوز تۋعان جەرىڭە دەگەن پاتريوتيزم, ادامي كاپيتالدىڭ ساپاسىن ارتتىرۋ مەن دامىتۋعا ۇمتىلىس ەلىمىزدى وتاندىق مادەنيەتتى ىلگەرىلەتۋدىڭ ساپالى جاڭا دەڭگەيىنە, الەمدىك ساحناعا شىعارۋعا مۇمكىندىك بەرەدى.
تاۋەلسىزدىك جىلدارىندا ەلىمىز ءومىردىڭ بارلىق سالاسىندا قارقىندى دامۋ ءۇشىن زور الەۋەت جيناقتادى, الەمدىك ساياسي كەڭىستىكتە بەرىك ورىنعا يە بولدى. وتكەن جىلداردى سارالاي وتىرىپ, بۇل كەزەڭ جۇيەلى ءبىلىم, تاجىريبە مەن كۇش جيناقتاۋدىڭ, قازاقستاننىڭ ودان ءارى دامۋىن انىقتايتىن ماڭىزدى وزگەرىستەرگە دايىندىق ۋاقىتى بولعانىن تۇسىنەمىز.
ەگەر بۇعان دەيىن ەلباسى نۇرسۇلتان نازارباەۆ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىندا ەلدىڭ ەكونوميكالىق, الەۋمەتتىك, ساياسي دامۋىنىڭ باعىتتارىن بەلگىلەگەن بولسا, ال رۋحاني جاڭعىرۋ جونىندەگى ماقالاسىندا قازاقستان حالقىنىڭ ۇلتتىق ساناسىنىڭ ماڭىزدى تۇرلەندىرۋلەرىن ايقىندادى.
ۇرپاقتار ساباقتاستىعى مەن بايلانىسىن ساقتاي وتىرىپ ءبىز جاڭا ءبىلىم ءۇشىن اشىق بولۋىمىز شارت. قازاقستان حالقىنىڭ بىرلىگىن, ونىڭ بىرتۇتاستىعىن نىعايتا وتىرىپ, ءبىز مەنتالدى دەڭگەيدە جاھاندىق الەمنىڭ ءبىر بولىگىنە اينالۋىمىز كەرەك.
«100 ناقتى قادام» ۇلت جوسپارىندا جانە پرەزيدەنت ماقالاسىندا كوتەرىلگەن ءبىلىم بەرۋ سەكتورىن دامىتۋ مىندەتىن شەشۋدىڭ ىقپالدى شارالارىنىڭ ءبىرى «بولاشاق» باعدارلاماسىن جۇزەگە اسىرۋ بولىپ تابىلادى. «بولاشاق» باعدارلاماسى – بۇل قازاقستاندىقتاردىڭ جاڭا بۋىنىن قالىپتاستىرۋ بويىنشا جوسپاردىڭ ماڭىزدى بولىگى ەكەنىن ەلباسى الدەنەشە رەت اتاپ ايتقان بولاتىن. باعدارلاما ەلىمىزدىڭ كادرلاردى دايىنداۋدىڭ الەمدىك جۇيەسىنە ءتيىمدى ارەكەتتەسۋىنە جانە ۇزدىك تەحنولوگيالاردى قازاقستاندىق ەكونوميكالىق جانە الەۋمەتتىك-مادەني كەڭىستىككە ەنگىزۋدى قامتاماسىز ەتۋگە مۇمكىندىك بەردى.
ەل دامۋىنىڭ شەشۋشى فاكتورىنا اينالىپ بارا جاتقان ەكونوميكالىق ءبىلىم ۋاقىتى كەلدى. باعدارلامانىڭ ارقاسىندا بىلىكتىلىگى جوعارى مامانداردىڭ قاتارى مەن ەلدىڭ ەڭبەك جانە عىلىمي الەۋەتى جىل سايىن ارتۋدا. بۇگىنگى تاڭدا 12 مىڭنان اسا ستيپەنديا بەرىلدى. بۇل بۇگىنگى كۇننىڭ وزىندە جانە كەلەشەكتە قازاقستان ءومىرىنىڭ بارلىق سالاسىنىڭ دامۋىنا ءوز ۇلەسىن قوساتىن بولاشاق باسقارۋشىلار بۋىنىنا, الەمدىك دەڭگەيدەگى ماماندارعا اسا ماڭىزدى ينۆەستيتسيا.
پرەزيدەنت ماقالاسىندا سيپاتتالعان اتا-بابالارىمىزدىڭ داعدىلارى – ءوزىنىڭ ۇلتتىق جانە جەكە رەسۋرستارىن ناقتى ءبىلۋ, ولاردى ەكونوميكالىق پايدالانۋ, ءوز بولاشاعىن جوسپارلاي الۋ باعدارلاما تۇلەكتەرىنىڭ ومىرلىك ماقساتتارىمەن ۇشتاسادى. ءبىزدىڭ ستۋدەنتتەرىمىزدىڭ پاتريوتتىلىعى, رەاليزم مەن پراگماتيزمگە نەگىزدەلگەن ءوز مۇمكىندىكتەرى مەن شەكتەۋلەرىن ەسكەرە وتىرىپ ناقتى پراكتيكالىق ناتيجەگە باعىتتالعاندىعى – بۇل تۇلعالىق الەۋمەتتىك كاپيتالدى قالىپتاستىرۋعا بەرىلگەن مۇمكىندىك ءۇشىن ەلىنە دەگەن العىسىنىڭ كورسەتكىشى.
«بولاشاقتىقتار» ءبىلىم بەرۋ, عىلىم, ەكونوميكا, بيزنەس, مادەنيەت, دەنساۋلىق ساقتاۋ, جۋرناليستيكا, سپورت سالالارىندا, ۇكىمەتتىك ەمەس سەكتوردا قىزمەت ەتۋدە. «بولاشاقتىقتار» جۇمىسپەن قامتۋ, ءپاتريوتيزمدى دامىتۋ مەن قايىرىمدىلىق بويىنشا كەڭ اۋقىمدى جوبالاردى جۇزەگە اسىرادى. بۇگىنگى تاڭدا «بولاشاق» قاۋىمداستىعى 12 مىڭنان استام ستيپەندياتتاردىڭ باسىن قوسىپ وتىر. قاۋىمداستىق ەلباسىنىڭ «قازاقستان-2050» ستراتەگياسىندا قويعان مىندەتتەرىن ەسكەرە وتىرىپ, ءتورت نەگىزگى باعىت – كاسىپكەرلىكتى قولداۋ مەن دامىتۋ, ءبىلىم ترانسفەرى, قايىرىمدىلىق پەن سالاماتتى ءومىر سالتىن قالىپتاستىرۋ بويىنشا جۇمىستار جۇرگىزۋدە. نەگىزگى جۇمىس جاستار اراسىندا جۇرگىزىلەدى.
«بولاشاق» باعدارلاماسىنىڭ تۇلەكتەرى مەكتەپ وقۋشىلارىمەن, جوعارى وقۋ ورىندارىنىڭ ستۋدەنتتەرىمەن وي ءورىستى كەڭەيتۋگە باعىتتالعان كەزدەسۋلەر وتكىزىپ, ولاردى ءبىلىم الۋعا ىنتالاندىرۋعا, ومىرلىك دۇرىس جولدى تاڭداۋعا سەپتىگىن تيگىزەدى.
2013 جىلدان باستاپ ء«بىزدىڭ ءبىلىم – ءبىزدىڭ ەلگە» اكتسياسى جۇزەگە اسىرىلادى. بۇدان بولەك, وتكەن جىلى 3 مىڭنان اسا ستۋدەنت قاتىسقان 61 ءدارىس وقىلدى. سونداي-اق, ءبىلىم ترانسفەرى ماقساتىندا ءبىز كورپوراتيۆتىك ۋنيۆەرسيتەت اشتىق. سونىڭ ارقاسىندا باعدارلاما تۇلەكتەرى اراسىنان كاسىبي بيزنەس-ترەنەرلەر مەن كوۋچتەر دايىندالدى. ولار تمد جانە شەتەلدەردىڭ ۇزدىك وقىتۋشىلارىنان ءبىلىم الدى. بۇگىنگى تاڭدا كورپوراتيۆتىك ۋنيۆەرسيتەتتىڭ 15-تەن اسا تۇلەگى كونسالتينگ سالاسىندا قىزمەت ەتەدى. ولار قىزمەتىن جاڭادان باستاپ جۇرگەن كاسىپكەرلەرمەن «اتامەكەن» ۇلتتىق كاسىپكەرلەر پالاتاسىمەن بىرگە ىسكە اسىرىلاتىن «باستاۋ بيزنەس» بىرلەسكەن جوباسى اياسىندا جۇمىس ىستەۋگە تارتىلعان. اۋىل تۇرعىندارىنا كاسىپكەرلىكتىڭ نەگىزدەرىن ۇيرەتۋ, ولاردىڭ بيزنەس-باستامالارىن قولداۋ جانە سۇيەمەلدەۋ اۋىلداعى بيزنەستىڭ ساپالى دامۋىنا ىقپال ەتەدى.
جۇمىسپەن قامتۋ جانە جاستار كاسىپكەرلىگىن دامىتۋعا ىقپالداسۋ ماڭىزدى باعىت بولىپ قالا بەرەدى. وسىعان وراي, «بولاشاق» قاۋىمداستىعى مانساپ ورتالىعىن قۇردى. ونىڭ اياسىندا ماماندار مەن جۇمىس بەرۋشىلەردىڭ قورى قالىپتاستىرىلعان. بۇل جۇمىس www.r.bolashak.kz ونلاين-تۇعىرناماسىندا اقىسىز نەگىزدە جۇرگىزىلەدى. بۇگىنگى تاڭدا ورتالىقتىڭ جۇمىس بەرۋشىلەر مەن ىزدەنۋشىلەر قورى 6 مىڭعا جۋىق ماماندى قۇرايدى. جوبانى ىسكە اسىرۋ كەزەڭىندە 60-قا تارتا ادام جۇمىسپەن قامتىلدى.
سەرىكتەسى «دامۋ» كاسىپكەرلىكتى دامىتۋ قورى بولىپ تابىلاتىن كەڭ اۋقىمدى جوبا – «Startup Bolashak» بيزنەس-يدەيالار بايقاۋى قازاقستاندىق جاستاردىڭ بيزنەس-باستامالارىن قولداۋعا باعىتتالعان. بايقاۋدىڭ ەكى ناۋقانى وتكىزىلدى, جۇلدە قورى 63 ملن-نان استام تەڭگەنى قۇرادى. بۇل – جاس قازاقستاندىقتاردىڭ ەڭ ۇزدىك ستارتاپ-يدەيالارىنا گرانتتىق قولداۋ كورسەتۋ. اتالعان قارجىنىڭ ماقساتتى پايدالانىلۋىنا مونيتورينگتى «دامۋ» قورىنىڭ ماماندارى جۇزەگە اسىرادى. ونداعان ستارتاپ-جوبالار وسى جوبانىڭ ارقاسىندا جۇزەگە اسىرىلدى. بايقاۋدىڭ ەكىنشى ماۋسىمىنىڭ جارتىلاي فينالىنا وتكەن قاتىسۋشىلاردىڭ ءوزى 12 كاسىپورىن اشتى.
جاس قازاقستاندىقتار يدەيالارىنىڭ باسىم كوپشىلىگى وڭدەۋ ونەركاسىبىندەگى جوبالاردى جۇزەگە اسىرۋعا, يننوۆاتسيالىق تەحنولوگيالاردى ەنگىزۋگە باعىتتالعانىن اتاپ وتكەن ءجون. جالپى, بۇل قازاقستاننىڭ ەكونوميكالىق دامۋ ۆەكتورىنا ساي كەلەدى.
قاۋىمداستىق اياسىندا «بولاشاق» قايىرىمدىلىق قورى قىرۋار جۇمىس اتقارۋدا. ءبىلىم بەرۋ, مادەنيەت, قازاق ءتىلىن دامىتۋ سالالارىندا ومىرلىك ماڭىزى بار جوبالار ىسكە اسىرىلادى. ماسەلەن, ء«ار بالا مەكتەپكە لايىقتى» جوباسىن ايتۋعا بولادى. ول اۋتيستيكالىق سپەكتردىڭ اۋىتقۋلارىنا ۇشىراعان جانە ەرەكشە قاجەتتىلىگى بار بالالاردى جالپى ءبىلىم بەرۋ ۇدەرىسىنە بەيىمدەۋگە ارنالعان جوبا. اتالعان جوبا ىسكە اسىرىلىپ كەلە جاتقان ەكى جىل ىشىندە قور 7 ينكليۋزيانى قولداۋ كابينەتىن اشتى. استانا جانە الماتى قالالارىندا ەكى پسيحولوگيالىق-پەداگوگيكالىق تۇزەتۋ كابينەتى جابدىقتالدى, بۇل جىلىنا 300-دەن استام بالانى وڭالتۋعا مۇمكىندىك بەردى.
ينكليۋزيۆتى ءبىلىم بەرۋ مەن قولدانبالى تالداۋعا 180-نەن اسا مامان وقىتىلدى, 10 قازاقستاندىق مامان يزرايلدە وقۋدان ءوتتى.
«جالپى ءبىلىم بەرۋ گرانتتارى» باعدارلاماسى اياسىندا 17 جەتىم بالا مەن از قامتىلعان وتباسىلاردان شىققان بالالار قازاقستان كوللەدجدەرى مەن جوعارى وقۋ ورىندارىندا قوردىڭ قايىرىمدىلىق قاراجاتى ەسەبىنەن ءبىلىم الۋدا. مۇمكىندىگى شەكتەۋلى 20 ستۋدەنت قوردىڭ گرافيكالىق ديزاين مەكتەبىندە وقۋدان ءوتتى, ونىڭ ىشىندە 7 بوزبالا تاعىلىمدامادان وتسە, 3-ەۋى جۇمىسقا ورنالاستى.
بالالار ۇيلەرى مەن ارنايى تۇزەۋ مەكتەپتەرىنەن 1500 جاس سۋرەتشى «بولاشاق» قورىنىڭ شىعارماشىلىق بايقاۋلارىنا قاتىستى. ۇزدىك گولليۆۋدتىق فيلمدەردى قازاق تىلىنە دۋبلياجداۋ بويىنشا جوبانى ىسكە اسىرۋ ءسوزسىز جاڭالىققا اينالدى. وسىلايشا, بولاشاقتىقتاردىڭ باستاماسىنىڭ ارقاسىندا قازاق ءتىلى بۇكىل الەم بويىنشا DVD, Blu-Ray-دە كورۋگە بولاتىن گولليۆۋدتىق فيلمدەردىڭ نەگىزگى 7 ءتىلىنىڭ قاتارىنا ەندى.
Disney ونىمدەرى قازاقستاندىق بالالار ءۇشىن انا ءتىلىن ۇيرەنۋدە تاپتىرماس قۇرالعا اينالدى. ميلليونداعان بالالاردىڭ سۇيىكتى كەيىپكەرلەرى انا تىلىمىزدە سويلەۋدە.
جوبانى ىسكە اسىرۋ ميلليونداعان كينوكورەرمەندەر ءۇشىن ساپالى كونتەنتكە تەڭ قولجەتىمدىلىكتى قامتاماسىز ەتۋ مەن قازاق تىلىندەگى شەتەلدىك كينو قورىن قالىپتاستىرۋعا مۇمكىندىك بەرەدى. قازاق تىلىنە دۋبلياجدالعان بالالارعا ارنالعان فيلمدەر «نازارباەۆ زياتكەرلىك مەكتەپتەرى» اق كىتاپحاناسىنىڭ تانىمدىق رەسۋرسى رەتىندە ۇسىنىلعان.
«Disney», «Marvel» جانە قور اتىنان كينو يندۋسترياسىنىڭ كوشباسشىلارىمەن بىرگە قازاق ءتىلىن دامىتۋ بويىنشا جوباعا قاتىسۋ داستۇرلەر مەن جاڭا تەحنولوگيالاردى ءتيىمدى ۇشتاستىرىپ وتىرعان ماڭىزدى باسىمدىق بولىپ تابىلادى. بۇگىنگى تاڭدا 19 گولليۆۋدتىق كينوكارتينا دۋبلياجدالدى. قازاق تىلىنە دۋبلياجدالعان «Disney» ستۋدياسىنىڭ 13 كارتيناسىنا «Apple TV Itunes Store» رەسمي قوسىمشاسىنىڭ بەينەحوستينگىندە قازاق تىلىندەگى دىبىس جولاعى قوسىلعان. بۇل جوبا «ماڭگىلىك ەل» جالپىۇلتتىق يدەياسىن جۇزەگە اسىرۋعا پراكتيكالىق ۇلەس بولىپ تابىلادى جانە ەلباسىنىڭ جوعارى باعاسىنا يە بولدى. سونداي-اق, ول قازاقستان كينەماتوگرافيستەر وداعىنىڭ «قازاقستاننىڭ كينو ونەرىنە قوسقان ۇلەسى ءۇشىن» سىيلىعىنا يە بولدى.
«بولاشاق» قاۋىمداستىعى – بۇل يگى جانە بيىك ماقساتتاردى كوزدەيتىن كوپتەگەن الەۋمەتتىك جوبالاردىڭ باستاماشىسى. وتكەن جىلى بولاشاقتىقتار 22 جوبانى ىسكە اسىردى, 25 مىڭنان استام ادام قاتىسقان 108 شارا وتكىزىلدى.
قاۋىمداستىق مۇشەلەرى ءۇشىن ەلباسىنىڭ باعدارلامالىق ماقالاسى – ءىس-ارەكەتكە باسشىلىق, جاڭا ستراتەگيالىق باعدار.
باقتيار ماكەن, پارلامەنت ءماجىلىسىنىڭ دەپۋتاتى