«مەن ايەلدەر اراسىندا كاسىبي بوكستان ءبىرىنشى الەم چەمپيونى اتانۋعا ۇلكەن مۇمكىندىك تۋعانىنا جانە بۇل اتاق ءۇشىن قازاقستاندا باسەكەگە تۇسەتىنىمە قۋانىشتىمىن», دەيدى فيرۋزا شاريپوۆا. كاسىپقوي بوكس ەكسپو قالاشىعىنداعى 6 مىڭ كورەرمەندى ەركىن جيناي الاتىن امفيتەاتردا وتپەك. ون جاسىنان باستاپ بوكسپەن اينالىسا باستاعان سپورتشى اۋەسقوي مانساپ جولىندا ەكى رەت قازاقستان چەمپيونى, ازيا چەمپيوناتىنىڭ جۇلدەگەرى بولدى. 2016 جىلدىڭ 21 مامىرىندا ماسكەۋ قالاسىندا كاسىپقوي بوكستا دەنيس لەبەدەۆ پەن ۆيكتور راميرەس وتكىزگەن اۋقىمدى كەزدەسۋدىڭ اندەركاردى اتانعان وليمپيادانىڭ كۇمىس جۇلدەگەرى, ەكى دۇركىن الەم چەمپيونى, ءۇش دۇركىن ەۋروپا چەمپيونى رەسەيلىك سوفيا وليچيۆامەن جۇدىرىقتاستى. سودان كەيىن, ول يسپانيادا, قازاقستاندا جانە رەسەيدە رينگكە شىقتى. 29 ماۋسىمدا ماسكەۋدە وتكەن سوڭعى جەكپە-جەگىندە رەسەيلىك بيانكا پرياشكانى ءبىرىنشى راۋندتان كەيىن جەڭدى.
بوكسشى بويجەتكەن 6 مىڭ كورەرمەن سىياتىن امفيتەاتردا جۇدىرىقتاسادى
248 رەت
كورسەتىلدى
26 تامىز كۇنى استانا قالاسىنداعى حالىقارالىق ەكسپO-2017 كورمەسى اۋماعىندا كاسىپقوي بوكس كەشى وتپەك. ءبىرىنشى جارىستا قازاقستاننىڭ 22 جاستاعى كاسىبي بوكسشىسى فيرۋزا شاريپوۆا الەم چەمپيونى اتاعىنا تالاسادى. شارانى «استانا-ەكسپو-2017» ۇك» اق پەن سپورتشىنىڭ كومانداسى ۇيىمداستىرادى. ۇلتتىق كومپانيا باسشىسى احمەتجان ەسىموۆ ف.شاريپوۆانىڭ كومانداسىمەن كەزدەسۋىندە الەمگە ايگىلى وتاندىق سپورتشىلار مەن ەكسپو كورمەسىنىڭ ماقساتى ءبىر ەكەنىن ايتتى.