«ەلىكتەدى, ۇلگى ەتتى» دەيتىندەي وتباسىندا اسكەري ادام بولماعان باقتييار بالا كەزىنەن اسكەري بولۋدى ارمانداپ ءوستى. تاعدىر بالا كەزگى بالاۋسا تىلەگىن قابىل ەتىپ, 2016 جىلى الماتى وبلىسىنىڭ تەكەلى قالاسىندا ومىرگە كەلىپ, ورتا مەكتەپتى بىتىرگەن ول الماتى قالاسىنداعى قۇرلىق اسكەرلەرىنىڭ اسكەري ينستيتۋتىن 4 جىل وقىپ ءبىتىرىپ شىقتى. لەيتەنانتتى باسشىلىق اقتاۋ قالاسىنا قىزمەتكە جىبەردى. ب.نۇرمۇقاش كەلگەن بويدا 25744 تەڭىز جاياۋ اسكەرى اسكەري بولىمىنە تەڭىز جاياۋ اسكەرى ۆزۆود كومانديرى بولىپ قىزمەتكە كىرىستى. ءوز ماماندىعىن سۇيەتىن جانە ازامات رەتىندە ءوز وتانىنىڭ قورعانى ەكەنىن جاقسى تۇسىنەتىن باقتيار قيىن دا قىزىقتى جۇمىسقا بىلەك سىبانا ارالاستى. ۆزۆودتىڭ وزىنە جۇكتەلگەن تاپسىرمالارى مەن مىندەتتەرىن مۇلتىكسىز ورىنداۋ جولىندا ناعىز اسكەري قىزمەتشىگە ءتان ىزدەندى, جۇمىستاندى, ارەكەت ەتتى. ناتيجەسىندە, ول باسقارعان ۆزۆود 2017 وقۋ جىلى قىسقى وقۋ مەرزىمى قورىتىندىسىندا تاكتيكالىق ساباقتار بويىنشا سىناق تاپسىرۋدا ۇزدىك شىقتى. بۇل ۆزۆودتى ءبىر ادامداي دايىنداپ, ورتاق ىسكە جۇمىلدىرا العان كومانديردىڭ – قىزمەتكە ەندى كىرىسكەن لەيتەنانتتىڭ ەڭبەگىنىڭ جەمىسى ەكەنى انىق. اسكەري قىزمەتشىلەردىڭ بارلىعىنا بىردەي پاتەر ماسەلەسىن جەدەلدەتە شەشۋ مۇمكىن بولماعاندىقتان, ولاردىڭ پاتەر جالداۋ اقىسىن تولەۋدى مەملەكەت ءوز موينىنا العان بولاتىن. ب.نۇرمۇقاش دا وسى شاپاعاتتىڭ جەمىسىن كورىپ جۇرگەندەردىڭ ءبىرى. ەكى اپام, ءبىر قارىنداسىم بار – دەگەن لەيتەنانت وتباسىنداعى جالعىز ۇل بولىپ شىقتى. ك ۇلىپ قوشتاسقان جاس وفيتسەرگە قازاق ءۇشىن «شاڭىراقتىڭ يەسى» ەر بالانىڭ ورنى بولەك ەكەنىن ەسكەرىپ, ء «بىر باسىنىڭ ەكەۋ بولۋىنا» جانە بەيبىت ەلىمىزدىڭ بەرىك قورعانى, تىنىش كۇننىڭ ساربازى بولۋىنا تىلەك بىلدىردىك.
گۇلايىم شىنتەمىرقىزى, «ەگەمەن قازاقستان»
ماڭعىستاۋ وبلىسى