بايقاۋ قورىتىندىسى بويىنشا ء«سوز شەبەرى» اتالىمىندا «ەگەمەن قازاقستان» گازەتى مادەنيەت جانە رۋحانيات ءبولىمىنىڭ مەڭگەرۋشىسى, ارىپتەسىمىز تالعات باتىرحان ۇزدىك دەپ تانىلدى. «ەلباسى باستامالارىن حالىققا تۇسىندىرۋگە قوسقان ۇلەسى ءۇشىن» اتالىمىن «قازاقستان» رترك» اق ارنايى ءتىلشىسى دۋلات نۋركين يەلەندى. «پارتيا قىزمەتى تۋرالى ەڭ ۇزدىك ماتەريال ءۇشىن» اتالىمىن قاراعاندى وبلىسى بويىنشا «ليتەر» گازەتىنىڭ ءتىلشىسى اينۇر بالاكەشوۆا يەلەندى. «ەرەكشە پىكىر» اتالىمىندا «استانا» تەلەارناسى اقپاراتتىق-ساراپتامالىق باعدارلامالار ديرەكتورى انار كارينتاەۆا ۇزدىك تەلەۆيزيالىق جۋرناليست اتانسا, «حالىق داۋىسى» اتالىمىن «حابار 24» تەلەارناسىنىڭ ديرەكتورى ارمان سەيىتمامىت يەلەندى. سونىمەن قاتار, «ايماق ايناسى» اتالىمىن «كازاحستانسكايا پراۆدا» گازەتىنىڭ قوستاناي وبلىسىنداعى ءتىلشىسى ەۆگەني ەرماكوۆ پەن «سەمەي تاڭى» گازەتىنىڭ باسشىسى ريزا مولداشەۆا ءوزارا ءبولىستى. «ەڭ ۇزدىك تالداۋ باعدارلاماسى» اتالىمى «حابار» تەلارناسى كەشكى جاڭالىقتار قىزمەتىنىڭ باس رەداكتورى, «نەگىزىندە» باعدارلاماسىنىڭ جۇرگىزۋشىسى رۋسلان وسپانعا تابىس ەتىلدى. «مەديا پروفي» اتالىمىن «Qamshy Media» جشس ديرەكتورى نۇرعالي نۇرتاي مەن baq.kz سايتىنىڭ رەداكتورى ەرجان جاۋباي يەلەنىپ, ينتەرنەت باسىلىمنىڭ ۇزدىك جۋرناليستەرى اتاندى.
ايان ءابدۋالي, «ەگەمەن قازاقستان»