كەزدەسۋ بارىسىندا ەكى ەلدىڭ ماڭىزدى ستراتەگيالىق سەرىكتەستەر ەكەنى ايتىلدى. رەسەيمەن ءبىر جىلدىڭ تاۋار اينالىمى 1 ملرد دوللاردى قۇرايدى. 2017 جىلعى ءۇش ايداعى تاۋار اينالىمى وتكەن جىلعى كورسەتكىشتەرمەن سالىستىرعاندا كوبەيگەنى ايتىلدى.
«رەسەي ءرۋبلىنىڭ باعامىنا ساي ەكسپورتتىق تاسىمالداۋ دا ارتىپ, بىرلەسكەن كومپانيالار ءبىزدىڭ ءوڭىر نارىعىندا جۇمىس ىستەۋدە. مىسالى, «Giessenhaus» جشس, ارنايى ەكونوميكالىق ايماقتا وڭىرگە قاجەتتى جوبانى ىسكە اسىرۋمەن اينالىسادى. ءوڭىرىمىز وسىمدىك جانە مال شارۋاشىلىقتارىنىڭ ونىمدەرىن دە ەكسپورتقا, سونىڭ ىشىندە رەسەيگە دە جىبەرىلەدى», دەدى وبلىس اكىمى.
ال باس كونسۋل ميحايل كورولەۆ شەكارالىق وڭىرلەر دەلەگاتسيالارىمەن ىسكەرلىك كەزدەسۋلەردى ءجيى وتكىزىلەتىنەن حاباردار ەكەنىن ايتىپ, الداعى ۋاقىتتا دا ەكى ەل اراسىنداعى ىنتىماقتاستىق ءۇشىن ارى قاراي دا بىرلەسىپ جۇمىس ىستەۋ قاجەت ەكەنىن اتاپ ءوتتى.
فاريدا بىقاي,
«ەگەمەن قازاقستان»