بىرنەشە جىل بۇرىن كەنشىلەر قالاسىنىڭ باس كوشەسى – لەنين كوشەسىنە اۋليە بابامىزدىڭ ەسىمى بەرىلگەندە, بوركىن اسپانعا اتىپ شاتتانعان حالىقتىڭ قۋانىشى ەسەلەنە ءتۇستى. ەسكەرتكىشتىڭ اشىلۋ سالتاناتىنا وبلىس اكىمى بولات باقاۋوۆ, ءماشھۇرتانۋشى ايتمۇحامبەت تۇرىشەۆ, ءماشھۇر ءجۇسىپ كوپەي ۇلىنىڭ ۇرپاقتارى, الىس-جاقىننان كەلگەن قوناقتار قاتىستى. ايماق باسشىسى بولات باقاۋوۆ پەن عۇلامانىڭ شوبەرەسى اباي شاراپيەۆ ەسكەرتكىش جامىلعىسىن تۇسىرگەن سوڭ, س.تورايعىروۆ اتىنداعى №22 گيمنازيا-مەكتەبىنىڭ وقۋشىسى باۋىرجان كاكىموۆ پەن «زەردە» مەكتەبىنىڭ وقۋشىسى – ءماشھۇر ءجۇسىپ بابانىڭ شوپشەگى پەريزات سۇيىندىك اقىن ولەڭدەرىن وقىدى. ەكىباستۇزعا كىرەبەرىس تۇسقا ەرەكشە رەڭ بەرىپ, ەل رۋحىن كوتەرىپ تۇرعان قولا ەسكەرتكىش بيىكتىگى تۇعىرتاسىمەن قوسا ەسەپتەگەندە 7 مەترگە جۋىق. اۆتورى –قاراعاندىلىق ءمۇسىنشى جاۋباسار قاليەۆ. اتاپ وتەرلىك جايت, 60 جىلدىق مەرەيتويىن اتاپ وتكەن كەنشىلەر شاھارىندا قازاقتىڭ دارىندى ۇلدارىنا ارناپ بۇعان دەيىن تالاي ەسكەرتكىش سوعىلعان. الايدا بۇگىنگى ەسكەرتكىش ەڭ كوركەم ءارى ءساتتى جاسالعانى دەۋگە بولادى. ەسكەرتكىشتىڭ اشىلۋىنا ەكىباستۇز قالاسىنىڭ اكىمى قايرات نۇكەنوۆ قولداۋ تانىتىپ, «ەكىباستۇز قالاسىنداعى ءماشھۇر ءجۇسىپ قوعامدىق قورى» (پرەزيدەنتى – باقتىباي امانتاەۆ) ۇلكەن ەڭبەك ءسىڭىردى.
جانارگۇل قادىروۆا
ەكىباستۇز