"اقپارات جانە كوممۋنيكاتسيالار مينيسترلىگى ەلباسىنىڭ تاپسىرماسىمەن بىلتىر مامىر ايىندا قۇرىلدى. مەملەكەت باسشىسى جاڭا ۆەدومستۆوعا اقپاراتتىق كەڭىستىكتى نىعايتۋ, وتاندىق ماسس-مەديانىڭ دەڭگەيىن كوتەرۋ, مەملەكەتتىك اقپاراتتىق ساياسات پەن مەملەكەتتىك قىزمەت كورسەتۋدىڭ تيىمدىلىگىن ارتتىرۋدى, سونىمەن قاتار تسيفرلاندىرۋدى العا جىلجىتىپ, بايلانىس ساپاسىن جاقسارتۋدى تاپسىردى", دەدى مينيستر.
بايانداما بارىسىندا داۋرەن اباەۆ بۇل ماسەلەلەر ەلباسى جولداۋىندا دا جان-جاقتى قامتىلعانىن ايتتى.
«كوممۋنيكاتسيالىق ينفراقۇرىلىم - وتە وزەكتى ماسەلە. مينيسترلىك قۇرىلعان كەزدە ەلباسى ايتقان مىندەتتەردىڭ ءبىرى دە وسى كوممۋنيكاتسيالىق ينفراقۇرىلىمدى جاقسارتۋ بولاتىن. بيىلعى جولداۋىندا دا وپتيكالىق-تالشىقتى ينفراقۇرىلىممەن جاپپاي قامتۋدى تاپسىردى. جالپى, تسيفرلىق يندۋستريانى قۇرۋ ءۇشىن, ەڭ ءبىرىنشى, حالىقتى ينتەرنەتپەن قامتاماسىز ەتۋ قاجەت ەكەنى انىق. قازىر اۋىلداردىڭ كوپشىلىگىندە ينتەرنەت بايلانىسى بار. بىراق, ونىڭ ساپاسى سىن كوتەرمەيتىنىن جاقسى بىلەمىز. سوندىقتان قازىر «اۋىلدىق ەلدى مەكەندەردە تالشىقتى-وپتيكالىق بايلانىس جەلىلەرىن قۇرۋ» جوباسىن جۇزەگە اسىرۋعا بار كۇشىمىزدى سالىپ جاتىرمىز", دەدى داۋرەن اباەۆ. ونىڭ ايتۋىنشا, وسى جوبا ءساتتى جۇزەگە اسىرىلسا, الداعى ءۇش جىلدا 1900 اۋىلعا جەلى تارتىلىپ, 5 ميلليونعا جۋىق ادام ساپالى ينتەرنەتكە قول جەتكىزبەك.
گۇلنۇر قۋانىشبەكقىزى,
"ەگەمەن قازاقستان"
سۋرەتتى تۇسىرگەن ەرلان وماروۆ,
"ەگەمەن قازاقستان"