ء«بىر قوناعىمىز ءبىر كۇننىڭ ىشىندە 5-6 پاۆيلوندى كورىپ ۇلگەرەدى. ءبىزدىڭ ەسەبىمىزگە سايكەس, وسى ۋاقىتقا دەيىن كورمەنى 26 مىڭنان استام شەتەل ازاماتى تاماشالادى. ول بارلىق قوناقتاردىڭ 13 پايىزىن قۇرايدى. كورمەگە كەلگەندەردىڭ 10 مىڭنان استامى التى جاسقا دەيىنگى بالالار بولسا, 2 مىڭنان استامى – مۇگەدەكتەر مەن ۇلى وتان سوعىسىنىڭ ارداگەرلەرى جانە ولارعا تەڭەستىرىلگەندەر», دەگەن ب.قارىمساقوۆ شارانى تاماشالاعان وقۋشىلار مەن ستۋدەنتتەردىڭ دە قاراسى جوعارى – 14 مىڭنان اسقانىن ايتتى.
قازىرگى ديناميكاعا كوز جۇگىرتسەك, كورمەگە كەلەتىن قوناقتاردىڭ سانى كۇن سايىن ارتىپ كەلەدى ەكەن. ماسەلەن, العاشقى كۇنى 17 مىڭ ادام قالاشىق اۋماعىن تاماشالاسا, بۇل كورسەتكىش وتكەن جۇمادا 34 مىڭنان اسقان. كومپانيا باسقارۋشى ديرەكتورىنىڭ مالىمەتىنشە, ەكسپو-2017 كورمەسىنە بايلانىستى وسى ۋاقىتقا دەيىن 280-نەن اسا ويىن-ساۋىق باعدارلاماسى, 50-دەن اسا حاتتامالىق ءىس-شارا ۇيىمداستىرىلعان. سوڭعىسىنا مەملەكەت باسشىلارى, مارتەبەلى مەيماندار, پاۆيلون كوميسسارلارى جانە ءتۇرلى دارەجەدەگى دەلەگاتسيالار قاتىسقان.
جيىندا بەيبىت قارىمساقوۆ شىمكەنت قالاسىنان ەكسپو كورمەسىنە كەلگەن قوناقتاردىڭ بيلەتتەرى كورمە الاڭىنا كىرۋگە جارامسىز بولىپ قالعاندىعى تۋرالى اقپاراتقا قاتىستى تۇسىنىكتەمە بەردى. «جالعان بيلەت بولماي قالعان جوق. كورمەنىڭ اشىلۋ سالتاناتى كۇنىندە جالعان بيلەتتىڭ 100 نۇسقاسى انىقتالدى. بارلىعى ءتۇرلى-ءتۇستى كوشىرمە. ەكىنشى كۇنى دە 70 دانا جالعان بيلەت بەلگىلى بولدى. نەگىزى, تۇپنۇسقا بيلەتتەر شىمكەنت قالاسىندا ساتىلعان. ءبىز ونى ارنايى نومىرلەر ارقىلى بىلدىك. سودان كەيىن تۇپنۇسقا بيلەتتەردەن بازادا جوق كوشىرمەلەر جاسالعان. ءار بيلەتتىڭ جەكە كودى بولاتىنىن بىلگەن ءجون. بۇگىندە جاساندى بيلەتپەن كەلۋشىلەر جوق», دەدى كومپانيانىڭ باسقارۋشى ديرەكتورى.
ءباسپاسوز ءماسليحاتىندا «استانا ەكسپو-2017» ۇك قوعاممەن بايلانىس دەپارتامەنتىنىڭ ديرەكتورى سەرگەي كۋيانوۆ الەمگە ايگىلى «Foreign Policy» باسىلىمىنىڭ ءجۋرناليسى دجەيمس پالمەردىڭ بۇعان دەيىن داۋ تۋدىرعان ماقالاسى جايلى اڭگىمەلەدى. ونىڭ ايتۋىنشا, جۇرتتى شۋلاتقان ءتىلشى استاناعا كەلمەگەن, ءتىپتى ەكسپو كورمەسىن ارالاماعان دا. ء«بىزدىڭ انىقتاعانىمىزداي, بريتاندىق دجەيمس پالمەر بىرنەشە باسىلىمعا ورتالىق ازيا ەلدەرى مەن قىتاي تۋرالى جازادى ەكەن. الايدا, ەكسپو-2017 كورمەسىنە ونداي جۋرناليست تىركەلمەگەن. بۇل – ءبىر. ەكىنشىدەن, دجەيمس پالمەر ەسىمدى ازامات قازاقستان شەكاراسىنان وتپەگەن. ياعني كەدەندىك تىركەۋدە جوق. دەمەك, پالمەر مىرزا ءوز ماتەريالىن وزگە بىرەۋدىڭ پىكىرىنە سۇيەنىپ نەمەسە ارنايى تاپسىرىسپەن جازعان», دەدى س.كۋيانوۆ.
ونىڭ سوزىنە قاراعاندا, ءتىلشى جازباسىندا كوپ فاكتىنى بۇرمالاپ كورسەتىپتى. ماسەلەن, ول كورمە قۇرىلىسىنا جۇمسالعان قاراجاتتى 5 ملرد دوللار دەپ جازعان, شىندىعىندا بۇل – 1,3 ملرد دوللار. مۇنى قۇرىلىس جۇمىستارىن جۇرگىزگەن كومپانيالار دا راستايدى.
باسقوسۋدا ۇلتتىق كومپانيانىڭ كوممەرتسيالاندىرۋ جونىندەگى دەپارتامەنتىنىڭ ديرەكتورى داۋلەت ەركىمباەۆ كورمە اۋماعىنداعى تاعامدار باعاسىن رەتتەۋ ماسەلەسىنىڭ ءمان-جايىنا توقتالدى. ونىڭ ايتۋىنشا, كومپانيا باسشىلىعى مەيرامxانا, ءدامxانا جانە فاست-فۋد سياقتى قوعامدىق تاماقتاندىرۋ ورىندارىن اشۋ ارقىلى xالىقتىڭ بارلىق توپتارىنا ءتيىمدى باعانىڭ بولعانىن كوزدەگەن. ماسەلەن, قوعامدىق تاماقتاندىرۋ دۇڭگىرشەكتەرىندە ءبىر تۇسكى استىڭ باعاسى – 1400 تەڭگە. ول قالانىڭ ورتاشا باعاسىنا سايكەس كەلەدى. سەبەبى, استاناداعى ويىن-ساۋىق ورتالىقتارىندا دا تۇسكى استىڭ باعاسى وسىنداي. ال كورمە اۋماعىنداعى ءدامxانالار مەن مەيرامxانالاردا تۇسكى استىڭ ورتاشا باعاسى – 7500 تەڭگە. ول دا – استانا سياقتى مەگاپوليستەردىڭ ورتاشا باعاسى.
د.ەركىمباەۆ الەۋمەتتىك جەلىلەردە كەڭىنەن تالقىلانعان «تويقازان» ۇلتتىق تاعامدار مەيرامxاناسىنىڭ باعالارىنا دا تۇسىنىك بەردى. «شىنىمەن, ول – قىمبات مەيرامxانا. سەبەبى, تاماقتىڭ ءدامى دە, قىزمەتتىڭ كورسەتۋ ساپاسى دا جوعارى. نەگىزى, ءبىز ءبىر ۇلتتىق تاعام ءۇشىن بىرنەشە ورىندى قاراستىردىق. ماسەلەن, مەيرامxانادا قىمبات بولسا, فۋد-كورتتاردا قازاقتىڭ ۇلتتىق تاعامدارىن 1-2 مىڭ تەڭگەگە ساتىپ الىپ جەۋگە بولادى. سول سياقتى, دۇڭگىرشەكتەردە دە قازاقى ەتتىڭ ءبىر پورتسياسىن 1200 تەڭگەگە ساتىپ الۋعا مۇمكىندىك بار. سوندىقتان قوعامدىق تاماقتاندىرۋ ورىندارىنىڭ باعاسى ءبىر مەيرامxاناعا تىرەلىپ تۇرعان جوق. وسىنى ءتۇسىنۋ قاجەت», دەدى دەپارتامەنت باسشىسى.
ماماننىڭ دەرەگىنشە, قالاشىق ىشىندە 25 ءدامxانا مەن مەيرامxانا جۇمىس ىستەيدى. ولاردا 15 ۇلتتىڭ تاعامدارى ازىرلەنەدى. بۇدان بولەك, فاست-فۋد ونىمدەرى ساتىلاتىن 33 شاعىن دۇڭگىرشەك بار. سونىمەن قاتار, كەيبىر ۇلتتىق پاۆيلوندار ءوز عيماراتتارىندا تاماقتاندىرۋ ورىندارىن اشقان.
ە
ەللادا اڭىزىنىڭ ورنەگى مە, ەپوستىق جىرىم شىقتى تورگە, مىنە. ەسكورتپەن تاماشالى تاڭ قالدىرىپ, ەكسپو جارقىل قاعىپ كەلدى ەلىمە!
ك
كورمەسىن عاجايىپتىڭ كوردى استانا, كەلەشەك قۋات كوزىن بەردى استانا. كەرىم دەپ تاڭداي قاقتى نەبىر جامپوز, كوتەردى زەڭگىر كوككە ەلدى استانا!
س
سارىارقا سايىن ءتوسى دۇبىرلەگەن, سامالا جارىق كوزىن ءبىر ىلمەگەن. سامعاعان پاريجدەگى ءان امىرە, سۇلۋىم بالقاديشا ك ۇلىمدەگەن.
پ
پەيىلى قازاعىمنىڭ وسىندايدا, پايىمى كەمەلدىككە قوسىلماي ما؟ پاراسات بيىگىنەن ءتىل قاتقاندا پاراعى جاڭا ءداۋىر اشىلماي ما!
و
ورداما العىس-القا تاعا كەلدىڭ, وسىنشا قۋانىشتى الا كەلدىڭ. وڭعارتقان وزىق ويىن ورازادا وتانىم نازارىندا بار الەمنىڭ!