دۇنيەجۇزىلىك بوكس قاۋىمداستىعى (WBA) قازاقستاندىق بوكسشى بەيبىت شۇمەنوۆتى (17-2, 11 كو) تۇراقتى چەمپيون بەلبەۋىنەن ايىردى.
بۇل اتاق وسىعان دەيىن ۇيىمنىڭ ۋاقىتشا چەمپيونى بولىپ كەلگەن كۋبالىق يۋنيەر دورتيكوسقا (21-0, 20 كو) بەرىلدى.
ايتا كەتەيىك, قوس بوكسشى ءساۋىر ايىندا جەكپە-جەك وتكىزۋى قاجەت بولعان. الايدا, قازاقستاندىق بوكسشىنىڭ جاراقات الىپ قالۋىنا بايلانىستى بۇل جوسپار كەيىنگە شەگەرىلگەن ەدى.
TalkSport.com باسىلىمىنىڭ ءتىلشىسى مايكل بەنسون تۋيتتەردەگى پاراقشاسىندا «بەيبىت شۇمەنوۆ WBA پرەزيدەنتى حيلبەرتو مەندوسكە ءوزىنىڭ سپورتتىق مانسابىن اياقتاۋدى جوسپارلاپ وتىرعاندىعىن ايتتى», دەپ جازدى.