جەتىسۋ وڭىرىندە دەنساۋلىق سالاسى قىزمەتكەرلەرىنىڭ جالپى سانى – 19 مىڭنان اسادى. 600 مەديتسينالىق مەكەمە جۇمىس ىستەپ تۇر. وبلىس اكىمى اماندىق باتالوۆتىڭ ايتۋىنشا, سوڭعى بەس جىلدا دەنساۋلىق ساقتاۋ سالاسىنا بولىنگەن قارجى كولەمى 59 پايىزعا ءوستى. ءوڭىر باسشىسى سالا ماماندارىنىڭ الاڭسىز جۇمىس ىستەۋىنە جاعداي جاساۋ نەگىزگى مىندەتتەردىڭ ءبىرى ەكەنىن ايتتى. سوڭعى جىلدارى تەك مەملەكەتتىك بيۋدجەت ەمەس, مەملەكەتتىك-جەكەمەنشىك ارىپتەستىك ارقىلى مەديتسينا سالاسىن دامىتۋدى قولعا الىپ جاتىرمىز. باسقا سالالاردا جەكە كاسىپكەرلەر مەن ينۆەستورلاردىڭ ۇلەسى از ەمەس, بىراق, مەديتسينا سالاسىنا ينۆەستور تارتۋ جاعى قاراستىرىلماعان بولاتىن. الداعى ۋاقىتتا وسى باعىت بويىنشا 7 جوبانى ىسكە اسىرۋدى جوسپارلاپ وتىرمىز, دەدى ا.باتالوۆ. جيىن ۇزدىك مامانداردى ماراپاتتاۋ راسىمىمەن جالعاستى. «ۇزدىك دارىگەرلىك امبۋلاتوريا», «ۇزدىك اۋىلدىق اۋرۋحانا», «ۇزدىك اۋداندىق ورتالىق اۋرۋحانا» سياقتى 6 نوميناتسيا بويىنشا جەڭىمپازدارعا قارجىلاي سىيلىقتار تابىس ەتىلدى. ال, «الماتى وبلىسىنىڭ ۇزدىك دارىگەرى» اتانعان ايدىن ەلىكباەۆ پەن «ۇزدىك اۋىل دارىگەرى» اتاعىن يەلەنگەن اسكەربەك ورالباەۆ ۇيلەرىنە كولىك ءمىنىپ قايتتى. «لادا گرانتا» اۆتوكولىگىنىڭ كىلتى سالتاناتتى تۇردە تابىس ەتىلدى.
الماس ءنۇسىپ, «ەگەمەن قازاقستان»
الماتى وبلىسى
سۋرەتتى تۇسىرگەن جۇماباي مۇسابەكوۆ