«سىزدەردى ءتول مەرەكەلەرىڭىزبەن شىن جۇرەكتەن قۇتتىقتايمىن. وبلىس باسشىلىعى وڭىردەگى دەنساۋلىق ساقتاۋ مەكەمەلەرىن ماتەريالدىق-تەحنيكالىق تۇرعىدان قامتاماسىز ەتۋگە بارىنشا كۇش سالىپ كەلەدى. 2016 جىلى قاجەتتى قوندىرعىلارمەن جابدىقتاۋعا 1,5 ملرد. تەڭگە ءبولىندى. ماماندارىمىز ۇلىبريتانيانىڭ وزىق كلينيكالارىندا بىلىكتىلىكتەرىن ارتتىرىپ, بىلىمدەرىن شىڭداپ قايتتى. مەملەكەتتىك باعدارلامانىڭ 2016 جىلى جۇزەگە اسىرىلۋ قورىتىندىسى كورسەتكەندەي, حالىقتىڭ ءومىر ءسۇرۋ ۇزاقتىعى, تۇرعىنداردىڭ دەنساۋلىعى, كورسەتىلەتىن مەديتسينالىق كومەكتىڭ ساپاسى سياقتى نەگىزگى مەديتسينالىق-دەموگرافيالىق كورسەتكىشتەر كوڭىل قۋانتادى. بۇعان سىزدەردىڭ سىڭىرگەن ەڭبەكتەرىڭىز زور», - دەدى وبلىس اكىمىنىڭ ورىنباسارى اسەم ءنۇسۇپوۆا وزىنىڭ قۇتتىقتاۋ سوزىندە.
سالتاناتتى شارا بارىسىندا وبلىس اكىمىنىڭ ورىنباسارى وسكەمەن قالاسىنداعى №2 ەمحانانىڭ تەراپەۆت دارىگەرى گۇلناز نۇرماديەۆاعا, كۇرشىم اۋداندىق اۋرۋحاناسىنىڭ تەراپەۆت دارىگەرى باقتىكامال بابىشەۆاعا, ريددەر قالالىق اۋرۋحاناسىنىڭ حيرۋرگيا ءبولىمىنىڭ مەڭگەرۋشىسى سەيىتحان بايانباەۆقا, سەمەي قالاسىنىڭ وڭىرلىك تۋبەركۋلەزگە قارسى ديسپانسەرىنىڭ فتيزياتر دارىگەرى گۇلجان رايىموۆاعا, كۋرچاتوۆ قالالىق اۋرۋحاناسىنىڭ دارىگەرى انار مۇقاتاەۆاعا دەنساۋلىق ساقتاۋ مينيسترلىگىنىڭ «قازاقستان رەسپۋبليكاسىنىڭ دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسىن تاپسىرىپ, وبلىس اكىمىنىڭ گراموتالارىمەن ماراپاتتادى.
رەتى كەلگەندە ايتا كەتەيىك, سوڭعى جىلدارى ايماقتا دەنساۋلىق ساقتاۋ سالاسىنا بولىنەتىن قارجى كولەمى جىلدان جىلعا كوبەيىپ كەلەدى. وبلىستىق دەنساۋلىق ساقتاۋ باسقارماسىنىڭ باسشىسى مارات شورانوۆتىڭ ايتۋىنشا, اتالمىش سالانىڭ بيۋدجەتى بيىل 73 927 ملن. تەڭگەدەن 86 961 ملن. تەڭگەگە دەيىن ارتىپ, 15 پايىزعا ءوسىپتى. تەگىن مەديتسينالىق كومەكتىڭ كەپىلدى كولەمى بيىل 60 035 ملن. تەڭگەدەن 66 825 ملن. تەڭگەگە دەيىن ۇلعايىپتى.
«الدا اتقارىلار شارۋا اۋقىمدى. جۋىقتا مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزەمىز. بۇل ورايدا مەديتسينا قىزمەتكەرلەرىنە جۇكتەلەر جاۋاپكەرشىلىك جۇگى سالماقتى. قازىرگى ۋاقىتتا وبلىس باسشىلىعى تاراپىنان دەنساۋلىق ساقتاۋ سالاسىنا ەرەكشە كوڭىل ءبولىنىپ جاتىر. ماماندارىمىز مەديتسيناسى دامىعان شەتەلدەردە تالىمگەرلىكتەن وتۋگە مۇمكىندىك الىپ وتىر», - دەيدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى رايفا سافيوللينوۆا.
ازامات قاسىم,
«ەگەمەن قازاقستان»
وسكەمەن
سۋرەتتى تۇسىرگەن
ەسىمحان ورىنباەۆ