كونفەرەنتسياعا قاتىسقان ۇلان اۋدانىنىڭ قاسىم قايسەنوۆ كەنتىندەگى بالالار مۋزىكا مەكتەبىنىڭ ديرەكتورى باقىتجان احانوۆا ۇزدىك عىلىمي بايانداماسى ءۇشىن ءى دارەجەلى ديپلوممەن ماراپاتتالىپ, «بەيبىتشىلىك الەمى – كورونا» مەدالىنىڭ يەگەرى اتاندى. سونىمەن قاتار, اتالعان مۋزىكا مەكتەبىنىڭ ءۇش مۇعالىمى لاريسا قاناپينا, سەرىك نۇرسۇلتانوۆ پەن لاريسا ارسابيەۆاعا ارنايى توسبەلگى تاپسىرىلدى. «دوستىق» فەستيۆالىنە ءبىزدىڭ مەكتەبىمىزدەن 7 وقۋشى قاتىستى. بارلىعى دا باس جۇلدەمەن ورالدى. «شاپاعات» بي ءانسامبلى نەمىس ءبيى «پولكانى» جانە وزبەك حالقىنىڭ ءبيىن بيلەپ, باس جۇلدە السا, «جىگەر» دومبىراشىلار ءانسامبلى جايىموۆتىڭ «شالقىما», «ۇلان» دۋەتى قۇرمانعازىنىڭ «بالبىراۋىن» كۇيىن ناقىشىنا كەلتىرە ورىندادى. جەكە ورىنداۋدا ايسۇلۋ مۇقاشەۆا س.قۇسايىنوۆتىڭ «مەرەكە» كۇيىن, ەسەنگەلدى ەراسىل ن. چايكيننىڭ «دەرەۆنيا سىرتىندا», اكەجان انۋاربەكوۆ ا. موتسارتتىڭ «تۇرىك مارشى» تۋىندىسىن كورەرمەن نازارىنا ۇسىندى. فەستيۆالعا قاتىسقان مۇعالىمدەرىمىز بەن وقۋشىلارىمىز 2017 جىلدىڭ 30 قازان – 3 قاراشا ارالىعىندا بىرىككەن اراب امىرلىكتەرىنىڭ دۋباي قالاسىندا وتەتىن «دۋباي-2017» حالىقارالىق دوستىق فەستيۆالى مەن عىلىمي كونفەرەنتسياسىنا شاقىرتۋ الدى», دەيدى مۋزىكا مەكتەبىنىڭ ديرەكتورى باقىتجان احانوۆا.
ازامات قاسىم, «ەگەمەن قازاقستان»
شىعىس قازاقستان وبلىسى, ۇلان اۋدانى