EXPO-2017 حالىقارالىق كورمەسىنىڭ سالتاناتتى اشىلۋ راسىمىندە ءسوز سويلەگەن قازاقستان پرەزيدەنتى ن.نازارباەۆ:
EXPO – عىلىمي جاڭالىق قانا ەمەس, بارلىق ەلدەر مەن وركەنيەتتەردى جالعايتىن التىن كوپىر. وسىدان 166 جىل بۇرىن وتكەن تۇڭعىش كورمەدەن بەرى بۇل شارا ۇدايى جاڭا يدەيالار بەسىگى بولىپ كەلە جاتىر. اتاپ ايتقاندا, العاشقى تەلەفون, اتكولىك, كومپيۋتەر, جەر سەرىگى مەن اتوم ەلەكتر ستانساسى سەكىلدى جاڭالىقتاردىڭ بارلىعىنىڭ تۇساۋى وسىنداي ەكسپو-لاردا كەسىلگەن بولاتىن. سول يگى ءۇردىستى جالعاستىرعان استانا الەمدىك يننوۆاتسيالار ورتالىعىنىڭ ءبىرى رەتىندە تانىلادى دەپ سەنەمىن, – دەدى.
ەستەرىڭىزگە سالا كەتەيىك, «ەكسپو-2017» كورمەسىنىڭ بۇگىنگى رەسمي اشىلۋ سالتاناتىنا 17 مەملەكەتتىڭ باسشىسى مەن ارنايى وكىلدەرى كەلدى. ەلباسى ءسوز سويلەپ, حالىقارالىق كورمەنى اشىق دەپ جاريالادى. كورمەگە الەمنىڭ 100-دەن استام ەلى قاتىسۋدا. ونىڭ سىرتىندا 20-دان استام حالىقارالىق ۇيىم بۇل كورمەدەن ءوز ورنىن بەلگىلەدى. 10 ماۋسىمنان 10 قىركۇيەككە دەيىن جالعاساتىن كورمەگە 2,5 ملن كورەرمەن كەلەدى دەپ بولجانۋدا.
ارنۇر اسقار, "ەگەمەن قازاقستان"
سۋرەتتى تۇسىرگەن
ەرلان وماروۆ, "ەگەمەن قازاقستان"